Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

Главные

события

классовой

борьбы

Красный Первомай в Якутии: «Хватит терпеть!»
Будем достойными наследниками Победы!

 

Ити иннинэ Америка Россияҕа посола Джон Хатсман испииһэккэ киллэриллибит дуоһунастаах дьон туох да омсолоох охсууну ылыахтара суоҕа диэн дойҕохтообуттаах. Ол эрээри олох сотору өссө биир киэҥ эйгэлээх буруйдуур дьаһал ылылларыгар үчүгэй үктэл буоларыгар ким да саарбаҕалаабат.

“АХШ Россияны утары санкциялара. РФКП кризистэн тахсар уонна бэригинэн үлүһүйүүнү тохтотор сыаллаах программата” диэн темаҕа партия салалтата пресс-конференция ыыппыта. Онно мунньустубут суруналыыстарга Америка атааннаһыыны эрэ күүркэтэр омсолоох геополитическай политикатын маннык быһаарбыта:

— Мин Россияҕа араас өрүттээх, киэҥ эйгэни хабар сэрии биллэриллибитин туһунан хаста эмэтэ этэн турабын. Итини билигин “тымныы” сэрии диэххэ соп. Ол эрээри маннык сыһыан салҕанар тубэлтэтигэр “итии сэриигэ” да тиийэр ырааҕа суох. Мин саныахпар, олох атын саҥа экономическай политиканы ылынан үлэлиэххэ баара. Ити түмүгэр билигин Россия экономиката “көҥүл рынок” ытарчатыгар хам ыллара сытар. Билигин биһиги дойдубутугар олох бары салаатыгар, массыына промышленноһын киллэрэн туран, тас дойду капитала быһылаан-көһүлээн олорор. Итинник балаһыанньаны туоратаары гыммыппытыгар санкциялар биллэриллэн бардылар.

Соторутааҕыта тахсыбыт Америка испииһэгэр биһиги дойдубут үрдүкү салалтата барыта кэриэтэ туох да биричиинэтэ суох киллэриллибит. Итини биһиэхэ сэриини биллэрбиттэрин курдук сыаналыахха сөп. Баччааҥҥа диэри американецтары биһигини кытта бииргэ үлэлиир дьон курдук ааттыырбытын мин букатын өйдөөбөппүн. Америка конгреһыгар Дональд Трамп: “Биһиги өстөөхтөрбүтүнэн Россия уонна Кытай буолаллар”, — диэбитэ.

Американецтар “бэйэлэрин дьоннорун” Анатолий Чубайс уонна Алекксей Кудрин курдуктары дакылаат испииһэгиттэн таһааттарбыттарын туһунан Геннадий Зюганов тоһоҕолоон бэлиэтээбитэ.

— Алта уонча ЦРУ үлэһиттэрин сүбэлэринэн тойон Чубайс улуу советскай дойдунун атыылаабыта, — диэн Россия коммунистарын салайааччыта санатар. — Кини өссө энергетика сыанатын дойду иһигэр мировойга тиийэ үрдэтиэххэ баара диэн сүбэлиир. Дьэ, оччоҕо 20-чэ тыһыынчаны кыайбат хамнастаах уонна биэнсийэлээх кырдьаҕастар хайдах олороллор?

Олоххо-дьаһахха ыарахан кэмнэри туоратарга суһал дьоһуннаах дьаһаллары ылар кэм кэлбитин, чуолаан русофобия уонна бэрик ылыы курдук омсолоох көстүүлэри утары охсуһууга бары күүһү түмэр наадатын эттэ.

Россия коммунистарын салайааччытын этиитин кини солбуйааччылара уонна көмөлөһөөччүлэрэ ситэрэн-хоторон биэрдилэр. Холобур, РФКП КК бэрэссэдээтэлин солбуйааччы Дмитрий Новиков иһитиннэрбитинэн, былырыын алта ый устата дойдуга бэрик ылыыны утарар, бопсор сокуону 160 тыһыынча кэһии таһаарыллыбыта биллэр. Ити түмүгэр 148 миллиард солкуобайдаах хоромньу дойдуга оҥоһуллубут. Онон ити боппуруоска улахан болгомтону ууран бэригинэн ииригирэр өйү-санааны төрдүттэн төрүөххэ наада.

— Итиннэ сыһыаннаах сокуон докумуонугар баайы-дуолу былдьыыр пууну төнүннэриэххэ, ону тэҥэ ХНТ конвенциятын бэриккэ сыһыаннаах 20-с ыстатыйатын ратификациялыыр кэм кэллэ. Ити түктэри көстүүнү утары көдьүүстээхтик охсуһар сыалтан дойдуга политическай монополизмы тохтотор тоҕоостоох, — диэн бэлиэтээтэ Дмитрий Новиков.

— Чиновниктар норуокка отчуоттуур эбээһинэстэрин умнубаттарын олоххо хайдах хааччыйары Россия Компартията өйдүүр дуо?

— Биллэн туран, өйдүүр. Биһиги биир сүрүн сыалбыт — дойдубутугар Υрдүкү государственнай Сэбиэт тэрийии. Кини сүбэлэҥэ суох олоххо олус суолталаах боппуруостары Российскай Федерация Президенэ быһаарыа суохтаах. Итинник Сэбиэти, биһиги санныырбытынан, политикаҕа улахан опыттаах, киэҥ билиилээх Геннадий Зюганов салайыан сөп.

РФКП КК секретара Сергей Обухов этэринэн, бэригинэн ииригириини утары охсуһуу биир төһүү күүһүнэн былааһы уларытыы буолуохтаах. Оттон билиҥҥи быыбардарбыт ити куһаҕан дьаллыгы биһиги дойдубутугар хайдах да быһаарар кыахтара суох.

— Биһиги телевидениебит федеральнай каналларыгар дьон өйүн-санаатын буккуйуу бара турар. Ону тоҕо эрэ биһиги Киин быыбардыыр хамыыһыйабыт хотуттара Памфилдова уонна Гришина өйдөөн көрбөттөр, көрө да сатаабаттар, — диир Обухов.

— Өскөтүн биир партия былааска хас эмэ сылы быһа уларыйбакка олордоҕуна, бэрик ылыыны утары охсуһуу туһунан этиэҕи да киһи кыбыстар, — диир Компартия юридическай сулууспатын салайааччыта Вадим Соловьев. — Манна даҕатан эттэххэ, Египети уонунан сыллар усталарыгар уларыйбакка салайан олорбут Мубарак дойдуну өрөбөлүүссүйэҕэ тиэрдибитэ. Кини 97 бырыһыан куолаһы ылбыт быыбарын кэнниттэн үс эрэ ый буолан баран, Египеккэ норуот өрө турбута.