Adult Search

Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

Главные

события

классовой

борьбы

Красный Первомай в Якутии: «Хватит терпеть!»
Будем достойными наследниками Победы!

 

Бүгүҥҥү былаас быыбарга туох ситиһиилээх кэллэ? Россия нэһилиэнньэтин аҥарын кэриэтэ быстар дьадаҥы олохтонно. Норуот хаһаайыстыбата ыһылынна, дууһаҕа мунуу-тэнии күүһүрдэ. Үлэни булар уустук. Балыыһаҕа киирэр, оскуолаҕа үөрэнэр кыаллыбат буолла. НАТО ааммыт айаҕар хаһаайынныыр. Ол оннугар доллардаах миллиардердарбыт, наркоманнарбыт уонна буруйу оҥорооччуларбыт ахсааннарынан чемпионнар буоллубут. Уопсастыба хайдыһыыта кутталлаах кээмэйгэ тиийдэ.

РФКП криминальнай-олигархическай кууруһу утаран кэллэ. Биһиги партиябыт бу халабырдаах уонна урусхаллыыр күүстээх куурус диэн ааҕарыгар толору бырааптаах. Биһиги кириитикэлиир эрэ буолбатахпыт, биһиги атын суолу ыйабыт – сайдыы, саҥа олоҕу, саҥардыллыбыт социализмы тутуу суолун.

РФКП хаҥас күүстэр уонна национальнай-патриотическай күүстэр блоктарын кытта бииргэ президеҥҥэ кандидатынан Павел Николаевич Грудинины туруорбута. Кини “кыһыл директордар” диэн ааттыыр дьоннорбутуттан биирдэстэрэ. Ленин аатынан совхоһун бырахпатаҕа, бытарыппатаҕа, совхоз баайын ыскайдаабатаҕа. Кини салайар кэлэктиибэ билиҥҥи тутулу аахсыбакка социальнай оптимизм куоратын, үлэһит киһи дьоһуннук олорор, үлэлиир олоҕун-дьаһаҕын оҥорбута-туппута. Норуот предприятиеларын ураты уопуттарын дойду барытын олоҕор туһанарга этии киллэрбиппит.

Биһиги иллээх кэлэктииппит программалар аһаҕастык күрэстэһэллэригэр, элбэх омуктаах норуот иннигэр чиэһинэйдик илин былдьаһыыга сыалланар-соруктанар. Президент уонна кини бырабыыталыстыбата 2012 сыл ыам ыйынааҕы ыйаахтары толоруу туһунан отчуоттуохтаах этилэр. Онно кинилэр быыбар иннинээҕи программалара чопчуламмыта эбээт. Ол эрээри толоруллубатах, ону ааһан тоҕуллубут үлэ-хамнас туһунан отчуоттуур уустук. Ол иһин быыбар иннинээҕи хампаанньа уочараттаах анал эппэрээссийэҕэ кубулуйда – сымыйаны харса суох кутуу, хараҕы баайыы, албыннааһын.

Быыбарга туох да аата-суола да, аптарытыата да, партиялара да, уопуттара да суох кандидаттар турдулар. Кинилэр гражданнары албыннаан куолаһы хайытар, быыбар суолтатын түһэрэр соруктаахтар. Дебаттар айдааннаах, этиһиилээх-үөхсүүлээх намыһах таһымнаах шоуга кубулуйдулар. Бу барыта тыҥаабыт экономическай кризис, норуот хаһааҥҥытааҕар да ураты күүскэ сомоҕолоһуутун эрэйэр кытаанах санкциялар уонна сэрии буолар кутталын күөнүгэр эбээт. Дьон-сэргэ быыбарга күргүөмүнэн кэлэн кыттар санаатын бохсор сыалтан олигархтар, русофобтар уонна антисоветчиктар политическай клоуннары наймыластылар.

Быыбарга киирсээччилэргэ тэҥнээх усулуобуйа туһунан этэ да барыллыбат. Павел Грудинины утары дьиҥнээх сэрии, сымыйаны тарҕатыы, холуннарыы хампаанньата биллэрилиннэ. Телесюжеттар 90% кири-хоҕу тарҕатар, провокациялыыр хабааннаахтар. Бу аһаҕас сойуолаһыы буолар! Оннооҕор дьалхааннаах 90-с сыллары баһыйдылар. РФКП Быыбар киин хамыыһыйатыгар 70 кэриҥэ юридическай төрүттээх үҥсүүлэри уонна сайабылыанньалары киллэрбитэ. Олортон биирэ да көрүллүбэтэ.

Маннык сидьиҥ хампаанньаҕа аатырбыт суруналыыстар уонна телевидение үлэһиттэрэ кытталлар. Кинилэр хааннаах 93-с сыл уонна киевтээҕи майдан уруоктарыттан ханнык да түмүгү, арааһа, оҥорботохтор. Быыбар киин хамыыһыйатын чилиэннэрин тылларыгар олоҕуран, прессаҕа биһиги кандидаппыт кыраныысса таһыгар счеттарын туһунан сымыйаны тарҕаталлар, дойду бастыҥ предприятиетын туһунан холуннаран кэпсииллэр. Бу дьонуҥ оннооҕор оҕолор, дьахталлар, кырдьаҕастар тустарыгар совхозка олохсуйбут кыһамньы дьикти уопутун харыстаабатылар, Европаҕа бастыҥынан билиниллибит оҕо саадтарын, оскуола үлэтин көрдөрөртөн аккаастаннылар!

Бу барыта биир төрүөттээх. Былаас биһиги национальнай баайбытын илиитигэр ылбыт антинациональнай олигархия интэриэһин салгыы хааччыйар соруктаах. Моҥкурууттаабыт кууруһун уларытар санаата суох. Ол эрээри сэбиэскэй уонна аан дойду уопутугар, дефолт содулун туоратыыга Примаков-Маслюков-Геращенко ылбыт дьаһалларыгар тирэҕирбэтэххэ, дойдуну муҥур уһуктан таһаарыы кыаллыа суоҕа.

Былаас дьиҥ норуот кандидатыттан, кини “Хас биирдии киһи сиэрдээх олоҕор сүүрбэ хардыы” ыллыктаах программатыттан куттанар. Ол аата быыбарга булгуччу кэлэн Павел Грудинин – норуот күүппүт кандидатын туһугар куоластыахха наада. Дьон-сэргэ күрүгүөмүнэн кэлиитэ уонна кытаанах хонтуруол сүүлүктэри, уоруйахтары, сымыйаны туттарааччылары тохтотуо. Бары түмсүүлээхтик кытыннахпытына, кыайыыны ситиһиэхпит уонна ону көмүскүөхпүт!

Биһиэхэ барыбытыгар – тутаах партия Россия. Кини уйгулаах олоҕун, дьоһунун уонна куттала суох буолуутун туһугар кыһамньы – сүрүн суолталаах. Ол туһугар кимиилээхтик уонна сорунуулаахтык охсуһуох тустаахпыт.

Россия гражданнара!

Эһиги быһыыны-майгыны эйэлээхтик уонна демократичнайдык бюллетень көмөтүнэн уларытар сэдэх историческай түгэн тосхойбутун мүлчү тутумаҥ.

Ытыктабыллаах биир дойдулаахтарым, хорсуннук уонна чиэһинэйдик куоластааҥ!

 

Геннадий ЗЮГАНОВ,

РФКП Бэрэссэдээтэлэ,

Народнай-патриотическай күүстэр

Үрдүкү Сэбиэттэрин Бэрэссэдээтэлэ.