Adult Search

Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

Главные

события

классовой

борьбы

Красный Первомай в Якутии: «Хватит терпеть!»
Будем достойными наследниками Победы!

 Малыкайский ППО.jpg

Мунньаҕы ытык-мааны кырдьаҕаспыт Василий Семенов эҕэрдэ тылынан аста. РФКП Саха сиринээҕи комитетын бастакы секретара Виктор Губарев конференция кыттыылаахтарыгар аадырыстаабыт суругун ааҕан иһитиннэрдим уонна бэйэм ааппыттан эмиэ эҕэрдэ тыл эттим. РФ Президенин быыбарыгар Павел Грудинин кандидатуратын актыыбынайдык агитациялаабыт коммунистарга махтал суруктары туттардым.

Мандатнай комиссия бэрэссэдээтэлэ конференцияҕа төһө делегат кэлбитин билиһиннэрдэ. Онтон Василий Семенов үлэ регламенын билиґиннэрдэ, президиумІа кимнээх баалларын эттэ.

Отчуоттуур дакылааты РФКП Ньурба оройуонунааҕы комитетын бастакы секретара Валерий Сергин оҥордо. Кини кэнники икки сылга райком тугу үлэлээбитин сиһилии кэпсээтэ: коммунистар быыбардарга хайдах кыттыбыттарын; партия кэккэтигэр хас саҥа байыас киирбитин; төһө мунньах ыытыллыбытын, усунуос хомуллубутун уо.д.а.

Валерий Степанович 15 пионер уонна 10 комсомолец баар буолбуттарын туһунан ордук астынан иһитиннэрдэ. Хомойуох иһин, кинилэр араас оскуолаларга үөрэнэллэринэн сибээстээн тэрээһин үлэ ситэ барбатын бэлиэтээтэ. Туох итэҕэстэр баалларын билиһиннэрдэ.

Салгыы хонтуруоллуур-ревизиялыыр комиссия бэрэссэдээтэлэ Михаил Эверстов үп-харчы хамсааһынын, усунуос хомуйуутун уонна партийнай хаһыаттарга сурутуу туһунан сиһилии дакылааттаата.

Делегаттар конференция үлэтигэр актыыбынайдык кыттан дакылаачыттарга элбэх боппуруос биэрдилэр. Михаил Иванов усунуос таһынан партияҕа көмө харчы хомуйарга этии киллэрдэ.

Мин партия рескомун бюротун чилиэнэ буоларым быһыытынан Петр Семенов маннык боппуруоһу ыйытта: “Урут райком чилиэттэрин ахсаана 60-тан таҕыстахтарына, бастакы секретарга хамнас көрөр туһунан балаґыанньа баара. Ол Ньурба райкомугар тоҕо суоҕуй? Секретардары хамнастыыллара наада”.

Чахчы даҕаны, Ньурба райкома кэнники кэмҥэ үчүгэйдик үлэлээн кэллэ. 2011 сылга учуокка 30-ча эрэ коммунист турар буоллаҕына, 2018 сылга 180 чилиэннээх.

— Бу боппуруоґу мин реском ааспыт бюротугар туруорбутум. Онуоха кырыымчык үп-харчы балаһыанньатын учуоттаан, өссө төгүл ааҕан-суоттаан баран, көрүөх буоллулар, — диэн хоруйдаатым.

“Коммунистар значоктара тоҕо суоҕуй? Бэйэбит да атыылаһыа этибит”, — диэтэ Иннокентий Винокуров.

Маҥнайгы сүһүөх партийнай тэрилтэлэр ортолоругар партийнай үлэҕэ күрэхтэһии биллэриэххэ, онуоха көһө сылдьар Кыһыл Знамя олохтуохха диэн этиилэр киирдилэр. Бу икки сыл түмүгүнэн Маалыкай маҥнайгы сүһүөх партийнай тэрилтэтэ үчүгэй көрдөрүүлээх буолан, чуолаан, отчуот түмүгүнэн коммунистар ахсааннара 50 киһиэхэ тиийбитинэн, көһө сылдьар Кыһыл Знамяны илдьэ барда.

Делегаттар райком чилиэннэрин таллылар. Райком бастакы секретарыгар реском Валерий Сергины рекомендациялаабыта. Улахан кэпсэтии кэнниттэн Валерий Степанович дьиэ кэргэнин балаґыанньата ыараханынан сибээстээн бу дуоһунастан аккаастанна.

Партия райкомун бастакы секретарынан Владимир Семенов талылынна; иккис секретарынан — Татьяна Кардашевская. Тэрээһин пленумҥа сэттэ киһилээх бюро талылынна.

Иннокентий ВАСИЛЬЕВ,

Саха Республикатын

Государственнай Мунньаҕын

(Ил Түмэн) депутата,

РФКП Саха сиринээҕи

комитетын бюротун чилиэнэ.