Бүгүн 2-с Аан дойду сэриитэ түмүктэммит күнэ бэлиэтэнэр. Бу күн 1945 с. АХШ «Миссури» линкоругар милитаристскай Япония хотторбутун билинэн бэринэрин туһунан аактаҕа илии баттаабыта. Бэлиэ түгэҥҥэ анаммыт тэрээһиннэр чэрчилэринэн, КПРФ Ньурбатааҕы салаатын көҕүлээһининэн Ньурбаҕа Сталин бюһун туруордулар. Бэйэтин кэмигэр уһулуччулаах историческай диэйэтэл быһыытынан сыаналаммыт салайааччыга анаммыт маннык бюстар Саха сиригэр Дьокуускайга, Мирнэйгэ уонна Аммаҕа бааллара биллэр.
Историяҕа улахан суолталаах бу түгэни бэлиэтии, Ньурба куорат Кыайыы болуоссатыгар элбэх киһи муһунна. 2-с Аан дойду улуу сэриитэ бүппүт күнүнэн эҕэрдэлээн, улуус баһылыгын 1-кы солбуйааччыта Артур Яковлев, Ньурба куорат баһылыгын солбуйааччыта Яков Замятин, улуустааҕы бэтэрээннэр Сэбиэттэрин бэрэссэдээтэлэ Татьяна Олесова тыл эттилэр.
Бу кэнниттэн сонно тута Сталин бюһа аһыллар тэрээһинэ буолла. Манна Дьокуускайтан КПРФ рескомун дэлэгээссийэтэ уонна ыаллыы Бүлүү улуустарын райкомнарын салайааччылара кытыннылар. Тыл эппит дьон Аҕа дойдуну көмүскүүр Улуу сэриигэ кыайыы оччотооҕу Сэбиэскэй Сойуус бары норуоттарын сомоҕолоһууларын күүһүнэн, Сэбиэскэй аармыйа геройдуу охсуһуутунан уонна Үрдүкү кылаабынай командующай, Оборона госкомитетын бэрэссэдээтэлэ Иосиф Сталин халбаҥнаабат кытаанах сүрүннээһининэн уонна быһаарыылаах түмэр күүһүнэн ситиһиллибитин бэлиэтээтилэр.КПРФ рескомун 2-с сэкирэтээрэ Вячеслав Куличкин «Сталин 140 сыла» үбүлүөйдээх мэтээллэри, КПРФ рескомун сэкирэтээрэ, СӨ Киин быыбардыыр хамыыһыйатын чилиэнэ Ирина Ушаковабаартыйа саҥа чилиэннэригэр партийнай билиэттэри туттардылар. Тэрээһини эҕэрдэ кэнсиэр киэргэттэ. Олохторун дойду сайдарын туһугар анаан, бэйэлэрин харыстаммакка үлэлээбит аҕа көлүөнэ бэрэстэбиитэллэригэр, ытыктабыллаах бэтэрээннэрбитигэр бу түгэн улахан үөрүүнү аҕалбытын көрүөххэ сөп.
Нюрба хаһыатыттан
КПРФ рескомун 2-с сэкирэтээрэ Вячеслав Куличкин «Сталин 140 сыла» үбүлүөйдээх мэтээллэри, КПРФ рескомун сэкирэтээрэ, СӨ Киин быыбардыыр хамыыһыйатын чилиэнэ Ирина Ушаковабаартыйа саҥа чилиэннэригэр партийнай билиэттэри туттардылар. Тэрээһини эҕэрдэ кэнсиэр киэргэттэ. Олохторун дойду сайдарын туһугар анаан, бэйэлэрин харыстаммакка үлэлээбит аҕа көлүөнэ бэрэстэбиитэллэригэр, ытыктабыллаах бэтэрээннэрбитигэр бу түгэн улахан үөрүүнү аҕалбытын көрүөххэ сөп.