Бу кутурҕан бэлиэ түгэнинэн, Дойду үрдүнэн, коммунистар, патриоттар Советскай былааһы туруулаһан, суорума суолламмыттары кэриэстээтилэр кинилэргэ сүгүрүйдүлэр. Саха Сирин коммунистара, партияны өйөөччүлэр, алтынньы 4 күнүгэр, төһө да тымныы халлаан турдар Дьокуускай куоракка, Доҕордоһуу аатынан болуоссакка, кэриэстэбил миитинигэр муһуннулар. Тэрээһиҥҥэ, 1993 сыллаахха, Москуоба куоракка, Верховнай Совекка депутаттаабыт А.В Кривошапкин, В.Колодезников кыттыыны ыллылар. Кинилэр оччотооҕу тыҥааһыннаах кэми, бэйэлэрэ хайдах турукка сылдьыбыттарын сырдаппыттарын, мустубут дьон сэргээн иһиттилэр. Уонна уот холорук ортотугар да буоллаллар, хорсун санаанан салайтаран, Советскай былааһы таннарбатахтарыттан, олуһун диэн киэн тутуннубут, ытыктабылбыт өссө күүһүрдэ. Кинилэртэн ураты тыл этээччилэр, Ельцин парламены таанкаттан ыппыт кэмиттэн, Россия, республикабыт олоҕо таннары барбытын, промышленность, тыа хаһаайыстыбата сатарыйбытын бэлиэтээтилэр. Уонна социализм тутулун аҕаларга өссө күүскэ, дьаныһан туран охсуһуохтаахтарын, капитализмы утарсан, хаанымсах Ельцин илиититтэн өлбүт үтүө дьоннору мэлдьи кэриэстиэхпит, кинилэргэ сүгүрүйүөхпүт диэн эттилэр.
Советскай былааһы дьаныһан туран өйөөн, итириксит Ельцин соннообут олоҕун утаран, сырдык тыыннара быстыбыттарга кэриэстэбил, оччолорго тус көрүүлэриттэн туораабакка, Верховнай Советы көмүскээбиттэргэ сүгүрүйүү тэрээһинигэр, олохтоох салалтаттан, Ил Түмэҥтэн коммунист депутаттартан ураты ким даҕаны, суолта ууран сылдьыбата. Мантан сиэттэрэн киһи маннык санааҕа кэлэр: Ил Түмэнтэн кыттыбатах депутаттар, Ельцини ол аата өйүүллэрин, кини ыыппыт, дьон олоҕун айгыраппыт политикатын биһирииллэр эбит диэн өйдөбүллээх хаалаҕын.. Дьон хайдаҕа бу түгэҥҥэ арылхайдык көһүннэ.
М.И.Сидоров. алтынньы 5 күнэ.