Альбина Лыхина Иркутскайдааҕы пединституту бүтэрэн баран 1969 сыллаахха Дьокуускайга кэлбитэ. Кини оскуолаҕа учууталлаабыта, оччотооҕуга куорат Ярославскай райисполкомугар бэрэссэдээтэли солбуйаачынан анаабыттара. Ґөрэҕирии министерствотыгар министри солбуйааччынан ситиһиилээхтик үлэлээбитэ. Кэлиҥҥи сылларга кини мээргэ — сүбэһит.

Биһиги Дьокуускай куораппыт баһылыгар кандидат Савва Михайлов туһунан кылгастык кэпсииригэр Альбина Михайловнаттан көрдөстүбүт:

• Мин Савваны кытта 2006 сыллаахха билсибитим. Оччолорго кини комсомол рескомугар талыллан үлэлиир этэ. Мин кинини болҕойон кэтиирим, өйө-санаата, билиитэ-көрүүтэ кэҥиирин бэлиэтии көрөрүм. Ону таһынан биһиги партиябытыгар туох киһи кэлбитин чугастык билиэхпин баҕарарым.

            Савва Михайлов Саха Государственнай Университетыгар үөрэнэр кэмигэр харабылынан үлэлээн айаҕын ииттэрэ, ол быыһыгар бириэмэ булан өссө уопсастыбаннай үлэнэн дьарыктанара. Итини мин сөхпүтүм. Олус бэрээдэктээх эдэр киһи.

            Кини киһи тугу этэрин, тугу көрдөһөрүн болҕойон истэр, көмөлөһө сатыыр, кыһалҕалаах дьон олохторун чэпчэтэр туһугар үлэлиир идэлээх. Билигин Савва Анатольевич биир саамай уустук олохтоох Строительнай уокурукка үлэлиир. Мин 22-с оскуолаҕа учууталлыыр кэммэр сорох үөрэнээччилэрим ити уокурук территориятыгар олороллоро. Онон тоҕус сыл устата уокурук кыһалҕаларын үчүгэйдик үөрэппитим.

            Бу күннэргэ элбэх дьону көрсөн кэпсэтэбин, Савва Михайлов туһунан ыйыталаһабын. Онно кинилэр: “Сөптөөх кандидат”, “Ґчүгэйдик үлэлиир”, “Элбэҕи быһаарар”, — дииллэр.

            Убаастабыллаах куорат олохтоохторо! Буолаары турар быыбарга куоласкытын Савва Анатольевич Михайловка биэрэҥҥит, кини киин куораппыт салайааччыта буоллаҕына, чиэһинэй, эрэллээх, хаһаайыстыбаны үчүгэйдик билэр уонна кыһалҕаны быһаарар суолу-ииһи тобулар кыахтаах киһини талбыккытыттан бэйэҕит астыныаххыт. Кини Строительнай уокурукка үлэлээбит сылларыгар дьиҥнээх хаһаайыстыбанньык буола үүммүтэ, куораты үчүгэйдик билбитэ элбэҕи этэр.

Күндү куорат олохтоохторо, быыбарга куоласкытын Савва Михайловка биэрдэххитинэ сыыһыаххыт суоҕа. Мин — Табаарыс Савва иһин!