Савва Анатольевич элбэх кыһалҕалардаах Строительнай уокуругу сатабыллаахтык салайан кэллэ. Манна 59 000 киһи олорор, ол аата Нерюнгри куорат саҕа нэһилиэнньэлээх.
Төһө да үлэлээбитэ икки эрэ сыл да буоллар, үлэтэ үчүгэй түмүктээх эбит. Ол курдук, 100 дьиэҕэ баһаары сэрэтэр-биллэрэр тэриллэри туруортаран, уоттан көмүскэллээх буолары ситиспит. Биир сыл устата 69 икки этээстээх дьиэлэри аварийнай туруктаахтарын туоһулуур элбэх докумуоннары оҥорторон, дьон-сэргэ сотору кэминэн саҥа толору хааччыллыыллаах дьиэлэргэ көһөллөрүгэр олук уурбут. Оҕо аралдьыйарыгар анаан 15 площадканы туттарбыт. Урукку өттүгэр суолта ууруллан олоххо киирбэтэх, ырыанан норуоппут уратытын дьүһүйбүттэри ытыктаан, кинилэргэ аллеяны арыйбыт.
Савва Михайлов итини таһынан уокурук бэтэрээннэрин, дьахталлар уонна “Сэрии оҕолоро” түмсүүлэрин, дьиэлэр старосталарын кытта ыкса сибээстээхтик үлэлиири ситиспит. Кинилэри кытта көрсүһүүлэри үгүстүк оҥорор буолбут. Инньэ гынан уокурук олоҕо сэргэхсийбит.
Дьон кыһалҕата быһаарыллара тэтимирбит. Бу барыта сыралаах, дьаныардаах үлэ түмүгэ буолара саарбахтаммат.
Савва Анатольевич биир көрсүһүүгэ: «Мин көстүүмнээх кабинекка олорорум сэдэх, үксүн үлэһиттэрбин кытта тэҥҥэ сылдьааччыбын. Инньэ гынан үлэ таҥаһын элбэхтик таҥнабын», — диэн турар. Бу түгэҥҥэ кини чахчы дьон кыһалҕатын чугастык ылынан, ону туоратарга сыратын биэрэрэ дьэҥкэтик көстөр. Ол иһин уокурук олохтоохторо Савва Анатольевыһы ытыктыылларын биллэрэллэр эбит.
Эдэр коммунист-салайааччы маннык дьоҥҥо биһирэтэр үтүө өрүттэрин бэйэтэ чочуйбутун, күүскэ чиҥэппитин, олоҕун түһүмэхтэрин сиһилии көрөн баран биллибит. Савва эдэр-сэнэх сааһа уустук 90-с сылларга түбэспит. Инньэ гынан дойду экономиката үрэллибитин түмүгэр, олох сатарыйыыта, дьон ортотугар дьадайыы тэнийбитин илэ хараҕынан көрөн улааппыта.
Бу көстүү эдэр киһини улаханнык харааһыннарбыта. Уустук кэм киһитэ буолан, олоххо бигэтик тураары, бииргэ төрөөбүттэригэр көмөлөһөөрү үлэни-үөрэҕи тэҥҥэ дьүөрэлээбитэ. Араас үлэҕэ ылсан үлэлээбитэ. 2003 сыллаахха, 19 саастааҕар, норуот интэриэһин дьүккүөрдээхтик туруулаһар, халбаҥнаабат позициялаах коммунистар партияларын кэккэтигэр баҕа өттүнэн киирбитэ. Төгүрүччү коммунистары сойуолаһыы, кинилэри баһааҕырдыы, Сэбиэскэй кэми хараардыы тэнийбит кэмигэр кинилэрдиин эҥэрдэһии туох да үчүгэйи аҕалбата биллэр этэ.
Политика хонуутугар эрдээхтик кимэн киирбитэ. Партия туруорбут соруктарын толорон, миитиннэргэ, пикеттэргэ, быыбардар агитацияларыгар көхтөөхтүк кыттан барбыта.
Эдэр киһи тэрийэр дьоҕурдааҕын, дьулуурдааҕын көрөн партия салалтата комсомоллары, эдэр коммунистары түмэр үлэҕэ чугаһатан, Савва кыаҕын толору арыйбыта. Бу хайысхаҕа Савва халбаҥнаабат бигэ көрүүлээҕин, туруоруммут соругун тиһэҕэр тиэрдэр кытаанах санаалааҕын көрдөрбүтэ. Бу үтүө өрүттэрэ кини атын да хайысхаларга таһаарыылаахтык ылсан үлэлииригэр төһүү күүс буолбуттара. Ол да иһин Строительнай курдук уустук уокуругу салайан, дьон кыһалҕаларын күннэтэ туоратарга кыһаллан сырыттаҕа.
Маннык бэйэтин умнан туран, дьонун-сэргэтин туһугар үлэ үөһүгэр сылдьар сатабыллаах салайааччыны РФ Коммунистическай партията Дьокуускай куорат баһылыгын дуоһунаһыгар кандидатынан туруорбуттара сөптөөх быһаарыныы.
Убаастабыллаах быыбардааччылар, Дьокуускай куорат баһылыгын быыбарыгар бары биир сомоҕо буолан тахсаммыт, эдэр кэскиллээх, туруу үлэһит киһиэхэ Савва Михайловка куоластыаҕын! «Норуот күүһэ — көмүөл күүһэ!» диэн бэргэн этии мээнэҕэ этиллибэтэҕин бигэргэтиэҕиҥ.
Михаил СИДОРОВ,
худуоһунньук.