Василий Прокопьевич нэһилиэк общественнай олоҕор актыыбынайдык кыттар. Бэрээдэги күүһүрдүүгэ, социальнай уонна хаһаайыстыбаннай боппуруостары быһаарыыга кыһамньылаахтык үлэлиир.
Билигин Василий Соловьев бэйэтин төрөөбүт сэлиэнньэтигэр ытык иэһин төлүүргэ — туһаны аҕаларга, күүс-көмө буоларга — улахан баҕалаах.
Кини Быыбар иннинээҕи программата чопчу уонна дириҥ ис хоһоонноох. Улууһу эрэ буолбакка, бүттүүн республиканы сүөһү аһылыгынан хааччыйар МТС-ры тэрийии боппуруоһун туруорар. Оҕо садын уонна Арчы дьиэтин тутууну былаанныыр. Олохтоох нэһилиэнньэни үлэнэн хааччыйар сыалтан үөр сылгыны иитэн, кинилэри көрөр-истэр народнай (акционернай) тэрилтэни тэрийэр санаалаах. Балыктааһынынан дьарыктанар общинаны тэрийиини эмиэ олус наадалааҕынан ааҕар.
Сэлиэнньэни чэбдигирдэр уонна ырааһырдар үлэлэри ыытары ситиһэр сыаллаах.
Василий Прокопьевич нэһилиэк баһылыгын эбээһинэһин толороругар бары өттүнэн сөптөөх, кини моральнай уонна дьыалабыай хаачыстыбалара онно толору эппиэттииллэр. Буолаары турар быыбардарга Василий Прокопьевич Соловьев кандидатуратын өйүөҕүҥ диэн ыҥырабыт!