* Би´иги, сахалар, Сэбиэт былаа´ыгар босхо µ³рэхтэммиппит, босхо эмтэнэрбит, сынньанарбыт. Бµгµн кырдьа±ас революционнай к³лµ³нэ ытык знамятын эдэр коммунистар эрчимнээх илиилэригэр ыланнар, µрдµктµк к³т³±³н, сырдык, ыраас олоххо салгыы илдьэ барыахтара. Би´иги дьолоохпут — би´иги коммунизм ³р³г³йдµµрµн к³рµ³хпµт.
Первэй Маай быраа´ынньыгынан, кµндµ до±оттор!
* Биһигини отучча сыл устатыгар “саҥа” Россия туһунан остуоруйаларынан аһатан кэллилэр. Бу улахан болдьох. Бачча кэм устатыгар бассабыыктар ССРС тэрийбиттэрэ, бүттүүн үөрэхтээһини ыыппыттара, модун промышленноһы туппуттара, бэртээхэй науканы тэрийбиттэрэ, фашизмы кыайбыттара.
Бүгүҥҥү былаас быыбарга туох ситиһиилээх кэллэ? Россия нэһилиэнньэтин аҥарын кэриэтэ быстар дьадаҥы олохтонно. Норуот хаһаайыстыбата ыһылынна, дууһаҕа мунуу-тэнии күүһүрдэ. Үлэни булар уустук. Балыыһаҕа киирэр, оскуолаҕа үөрэнэр кыаллыбат буолла. НАТО ааммыт айаҕар хаһаайынныыр. Ол оннугар доллардаах миллиардердарбыт, наркоманнарбыт уонна буруйу оҥорооччуларбыт ахсааннарынан чемпионнар буоллубут. Уопсастыба хайдыһыыта кутталлаах кээмэйгэ тиийдэ.
* РФКП криминальнай-олигархическай кууруһу утаран кэллэ. Биһиги партиябыт бу халабырдаах уонна урусхаллыыр күүстээх куурус диэн ааҕарыгар толору бырааптаах. Биһиги кириитикэлиир эрэ буолбатахпыт, биһиги атын суолу ыйабыт – сайдыы, саҥа олоҕу, саҥардыллыбыт социализмы тутуу суолун.
* Былаас Павел Николаевич Грудинины олус баттыырын, эккирэтиһэрин тохтотуоҕуҥ!
* Павел Грудинин “кыһыл директордар” диэн ааттыыр дьоннорбутуттан биирдэстэрэ. Ленин аатынан совхоһун бырахпатаҕа, бытарыппатаҕа, совхоз баайын ыскайдаабатаҕа. Кини салайар кэлэктиибэ билиҥҥи тутулу аахсыбакка социальнай оптимизм куоратын, үлэһит киһи дьоһуннук олорор, үлэлиир олоҕун-дьаһаҕын оҥорбута-туппута. Норуот предприятиеларын ураты уопуттарын дойду барытын олоҕор туһанарга этии киллэрбиппит.
*Былаас биһиги национальнай баайбытын илиитигэр ылбыт антинациональнай олигархия интэриэһин салгыы хааччыйар соруктаах. Моҥкурууттаабыт кууруһун уларытар санаата суох. Ол эрээри сэбиэскэй уонна аан дойду уопутугар, дефолт содулун туоратыыга Примаков-Маслюков-Геращенко ылбыт дьаһалларыгар тирэҕирбэтэххэ, дойдуну муҥур уһуктан таһаарыы кыаллыа суоҕа.
Күндү Саха сирин олохтоохторо!
* Россияҕа норуоту утары дьаһал дойдуну уонна биһиги республикабытын улахан алдьархайга тиэрдэн эрэр. Дойду бырабыыталыстыбата Госдума нөҥүө пенсияҕа тахсыы сааһын үрдэтэр туһунан сокуону ылынна (эр киһи — 65 сааһыгар, дьахтар — 63).
Υлэлии олорор президент 2005 сыллаахха: «Кремльгэ баарым тухары пенсияҕа тахсыы сааһын үрдэттэриэм суоҕа», — диэн мэктиэлээн турардаах. Дьэ, ити кэннэ эр дьон пенсияҕа тахсар саастарын биэс сылынан, оттон дьахталларга аҕыс сылынан уһатарга туһаайыллыбыт сокуон бырайыага оҥоһуллан сытар.
Итиэннэ бырабыыталыстыба да, «Биир ньыгыл Россия» да дьоһуннаах быһаарыыны кыайан биэрбэтилэр. Пенсионнай фонда үбүн-аһын куорҕаллаан сиэн баран, ону норуот суотугар толорорго сорунуу биир омсолоох көстүүтэ буолар.
*ОДьКХ өҥөлөрүн сыаната күн-түүн үрдүү турара, аска-таҥаска сыана бас-баттах барыыта — ити барыта «Платон» алдьатыылаах систиэмэтин биир кэлим ситимэ буолар. Ити барыта олигархтарга туһалыыр, кинилэр салгыы байаллар, оттон дьадаҥылар салгыы дьадайаллар.
*КОМПАРТИЯ САХА СИРИНЭЭҔИ РЕСКОМА сааһырбыт дьону утары туһуламмыт пенсионнай «реформаны» сорунуулаахтык утарар. Күн бүгүҥҥэ диэри боростуой норуоту, кини алдьарытар эрэ сыаллаах араас өрүттээх сокуоннары ыла олорор «Биир ньыгыл Россия» депутаттарын уонна кинилэр хос моонньохторун сааттаах дуоскаҕа ыйыыр кэм кэллэ. Боростуой быыбардааччы итини барытын өйдөөн, сыаналаан сүүлүктэр, түөкүттэр партияларын кандидаттарыгар куоластарын биэриэ суохтаахтар, кинилэр норуот кыһалҕаларын хаһан да өйдүөхтэрэ суоҕа.
* Норуоту убаастаабат, кинини таҥнарар былааска сорунуулаахтык «СУОХ!» диэн эппиэттиэххэйиҥ!
Өй-санаа мөлүйүөнүнэн киһини түмэр. Итини «Өлбөт-сүппэт полк» да түмсүүтэ көрдөрдө. Пенсионнай геноциды утарар охсуһуу Знамятын тула мөлүйүөнүнэн дьон түмүстүннэр!
Бииргэ буоллахпытына — кыайыахпыт!
* Российскай Федерация Ыччат Ленинскэй Коммунистическай союһун Дьокуускай куораттааҕы салаатын аатыттан улуу күнүнэн — Первэй Маай бырыыһынньыгынан эҕэрдэлиибит.
* Ыччат бүтүн союзтааҕы ленинскэй коммунистическай союһа (ЫБСЛКС) – ыччат общественнай-политическай түмсүүтэ 1918 сыллаахха сэтинньи 4 күнүгэр – (саҥа халандаарынан) алтынньы 29 күнүгэр Бүтүн Россиятааҕы үлэһит уонна крестьянскай ыччат 1‑кы Съеһигэр тэриллибитэ. Съезд ыччат бытархай союзтарын, Россиятааҕы коммунистическай партия салалтатынан, биир кииннээх роосийскай тэрилтэҕэ түмпүтэ. Съезкэ Ыччат Российскай коммунистическай союһун (ЫРКС) устаабын уонна программатын сүрүн принциптэрин ылыммыттара. Съезд бигэргэппит тезистэригэр маннык этиллэр: «Союз коммунизм идеяларын тарҕатар уонна Сэбиэскэй Россияны көхтөөхтүк тутууга үлэһит уонна крестьянскай ыччаты ыҥырар сыалы туруорунар».
* Биһиги бу улахан түмсүүгэ киирбиппиттэн уонна Ленинскэй комсомолец аатын төбөбүн өрө көтөҕөн туран сүгэрбиттэн олус үөрэбин. Ол гынан баран комсомольскай билиэти илдьэ сылдьар диэн – биирэ. Биһиги сүрүн сорукпут – ыччат түмсүүлэрэ бары батыһалларын курдук холобур буолуохтаахпыт. Тоҕо диэтэххэ биһиги, норуоттары, дойдулары уонна континеннары Коммунизм кыһыл былааҕын анныгар түмпүт, улуу Ленин аатынан ыччат түмсүүтүн салҕааччылара буолабыт.
* Биһиги аҕыйаҕа суох үлэни ыытабыт, ол гынан баран онон тохтоон хааларбыт сатаммат. Тоҕо диэтэххэ биһигини аҕа табаарыстарбыт уонна ыччаттарбыт көрөллөр. Билигин, биһиги иннибитигэр, нэһилиэнньэбит бары араҥатын, ол иһигэр ыччаты эмиэ таарыйар саҥа ыҥырыылар, саҥа соруктар тураллар. Ону биһиги, дойдубут уонна өрөспүүбүлүкэбит дьылҕатыгар кыһаллар дьону барытын – үлэһиттэри, үөрэнээччилэри уонна устудьуоннары бэйэбит тула мустахпытына, сомоҕолостохпутуна эрэ кыайыахпытын сөп. Комсомол – кыһалҕалаах ыччат быраабын туһугар тылынан эрэ буолбакка, дьыалатынан охсуһар тэрилтэ буоларын быһыытынан, атыттарга холобур буолан, ол ыҥырыылары толоруохтаах!
Үгүстэр билэргит курдук, түмсүүлэрбитин барытын уонна спорду пропагандалыыр сыаллаах, “Коммунистическай Партия” эгидатын аннынан, футбольнай клуб тэрийэбит.
Өскөтүн бары күүспүтүн бииргэ холбоотохпутуна, бу үлэбит үрдүк ситиһиилээх буолуо диэн эрэнэбит, итэҕэйэбит.
* Комсомол салалтата элбэх идеялардаах. Бу идеялары олоххо киллэрэргэ туох баар күүһүн ууруоҕа. Ол гынан баран маны барытын бииргэ түмсэн, биир сомоҕо буолан үлэлээтэхпитинэ эрэ кыайыахпыт. Ол иһин, бары өттүнэн сайдарбыт, үлэбит өссө биир саҥа таһымҥа тахсарын туһугар, өйбүтүн-санаабытын, күүспүтүн-кыахпытын ууран туран үлэлихпитин наада. Чуолаан бэйэбит өттүбүтүттэн ылан эттэххэ, биһиги эмиэ күүс-көмө буолуохпут диэн эрэннэрэбит.
Онон, бу бэлиэ күҥҥэ, коммунизм дьыалатын туһугар идеяларбыт тула түмсүөх, сомоҕолоһуох тустаахпыт. Первэй Маай күнүнэн эдэрдии эрчимнээх, инникигэ эрэллээх, киһи-аймах туһугар олорор уонна үлэлиир дьону – барыгытын эҕэрдэлиибин! Комсомол бары көлүөнэтигэр барыгытыгар ситиһиини, эрэли уонна кытаанах доруобуйаны баҕарабын!
* Биһиги дойдубут историятыгар аан бастаан арҕааҥы дойдулар өттүлэриттэн хаһан да буолбатах информационнай, байыаннай уонна санкция өттүнэн күүһүнэн өттөйүү усулуобуйатыгар олоробут. НАТО базалара Россия кыраныыссатыгар олохтоннулар. Бу барыта дойдуга экономическай кризис дириҥээн иһэр кэмигэр буола турар. Саха сиригэр тыйыс айылҕа быһыыны-майгыны өссө тыҥааһынныыр. Биһиги региоммут сирин-уотун 40 % Полярнай эргимтэҕэ киирэр, оттон сирэ-уота барыта ирбэт тоҥҥо турар.
* Өрөспүүбүлүкэҕэ ас-үөл, промышленнай табаар, эмп-томп, ОДьКХ, салгын транспорынан көтүү сыаната үүнэ-тэһиинэ суох үрдүү турар. Үөрэх уонна доруобуйа харыстабылын эйгэлэрэ төлөбүрдээххэ кубулуйаллар. Үлэтэ суох буолуу үксүүр. Саха сиригэр саахалланар туруктаах дьиэ кээмэйэ Россия үрдүнэн саамай улахан.
* Тыа хаһаайыстыбатыгар балаһыанньа өссө уустук. Үйэ чиэппэрин устатыгар бу салаа быһа охсубут аҥаарын эрэ хааллардылар. Олохтоох чэпчэки промышленность урусхалланна.
* Алкоголизм, наркомнаия, буруйу оҥоруу киэҥник тарҕанна. Өрөспүүбүлүкэттэн дьон көһөн барыыта салҕанар. Биирда реформа дьон олоҕун-дьаһаҕын тупсарбата. Пенсия кээмэйэ улааппат, үөрэх төлөбүрэ үрдүү турар. Дьадаҥылар уонна баайдар икки ардыларыгар арыттаһыы улаатан иһэр. Ким эрэ ыйга уонча мөлүйүөнү баһан ылар, оттон нэһилиэнньэ баһыйар аҥаара — тииһинэн олоруу муҥуутуур алын кээмэйин чэрчитинэн дохуоттаах. Биһиги өрөспүүбүлүкэбитигэр дьон уоппускаларыгар эрэ ханна да барар кыахтара суох буолбатах, айан сыаната ыараханыттан дьон оннооҕор өрөспүүбүлүкэ медицинскэй кииннэригэр эмкэ кэлэр кыахтара суох.
РФКП уонна Саха сирин коммунистара сиһилии ырытыллан оҥоһуллубут чөлгө түһүүнү түстүүр чопчу программалардаах. Биһиги программабыт 10 пууна – бу Россияны дьиҥ-чахчы чөлгө түһэрии суола. “Күүстээх Саха сирэ — күүстээх Россия” Саха сирин коммунистарын программата дьон интэриэһин көмүскүүр, национальнай интэриэспитин туруулаһар, олоххо толору киирэр кыахтаах.
* Бүгүн РФКП эрэ — гражданнар интэриэстэрин туруулаһар, “Биир ньыгыл Россия” алдьатыылаах кууруһун утарар кыахтаах дьиҥнээх оппозиция. Чааһынай бас билиини тумус суолталыыр, төлөбүрдээх үөрэҕи уонна медицинэни сиэрдээҕинэн ааҕар партиялар — бу барыта биир политика партиялара. “Биир ньыгыл Россия” дьону буккуйаары хаҥас күүстэргэ туох да сыһыана суох хас да партияны хаһааска илдьэ сылдьар: “Родина”, “Сиэрдээх Россия”, “Партия за Справедливость”, “Партия социальных реформ — прибыль от природных ресурсов — народу” уо.д.а. Кинилэри барыларын “Биир ньыгыл Россия” өйүүр. Сыала — дьону буккуйуу. Ол иһин эһигиттэн көрдөһөбүт: “Албыннатымаҥ!”
* “Сиэрдээх Россия” тугун-ханныгын дьон-сэргэ биллэ-көрдө, Россия таһымыгар аптарытыата суох. Ааспыт быыбарга Тумусовтаах “Биир ньыгыл Россияны” кытта сөбүлэһии түһэрсэннэр, Путиҥҥа куоластаабыттара. Праймериз, “чиэһинэй, аһаҕас политика” диэннэрэ ити баар.
*Күндү Саха сирин олохтоохторо!
Биһиги уйгулаах кыраайгыт — тыытыллыбакка турар аар-тайҕа, дьэҥкир уулаах өрүс, эмтээх источниктар дойдулара. Сахабыт сирэ алмааһынан, көмүһүнэн, сэдэх металларынан, тимир рудатынан, таас чоҕунан, ньиэбинэн, гааһынан, чароитынан уо.д.а. баай. Бу барыта аҕыйах ахсааннаах сытыйа байбыт олигархтарга буолбакка, биһиги дойдубут олохтоохторугар, ол иһигэр Саха сирин дьонугар, олохторо-дьаһахтара тупсарыыгар үлэлиэхтээх!
Сэбиэскэй былаас норуокка улууканнаах социальнай ситиһиилэри аҕалбыта. Оччотугар үтүөнү, бастыҥы чөлгө түһэриэххэйиҥ: төлөбүрэ суох үөрэҕи уонна доруобуйа харыстабылын, сиэрдээх хамнаһы уонна пенсияны, олорор дьиэҕэ быраабы, хас биирдии киһиэхэ сарсыҥҥы күҥҥэ эрэли!
Биһиги программабыт уон пууна — бу чөлгө түһэрии дьиҥ суола. Россия — биһиги Ийэ дойдубут, Саха сирэ — төрөөбүт сирбит, кинилэр дьылҕаларын, хас биирдиибит уйгулаах олоххо быраабын быһаарар кун-дьыл үүннэ.
Биһиги эһиги интэриэскитин туруулаһабыт.
Компартия кэккэтигэр киирэргитигэр ыҥырабыт!