Чурапчытааҕы партийнай тэрилтэбитигэр отчуоттуур кэмҥэ 7 маҥнайгы сүһүөх партийнай тэрилтэ үлэлээн кэллэ. Чурапчы улууһугар барыта 89 коммунист,ол иһигэр нэһилиэктэргэ 49, Чурапчыга 40 коммунист учуотка турар.
Отчуоттуур кэмҥэ 16 киһини партияҕа үүннэрдибит. Олох сокуонунан 5 активнай коммунистар олохтон бардылар. 5 эдэр коммуниһы партийнай дисциплинаны тутуспатахтарын иһин партияттан таһаардыбыт.
Саастарынан ылан көрдөххө:
30-40 дылы 11;
40-50 дылы 20;
50- 60дылы 12;
60-70 дылы-20;
70- 80дылы -12;
80- 90 -13;
90 үөһээ- 1; коммунистар учуотка тураллар.
Коммунистар орто сааспыт 59 сааска тахсар. Бу көрдөрүү түмүгүүнэн партияҕа эдэр көлүөнэни үүннэрэргэ хас биирдии коммунист миэстэҕэ үлэ ыытара ирдэнэр.
Үөрэхтэринэн ыла көрдөххө:
Үрдүк үөрэхтээҕэ-31, орто анал үөрэхтээх-25, орто үөрэхтээх-29, ситэтэ суох орто үөрэхтээх -4 коммунист.
Коммунистар үлэлээх буолуулара:
Тэрилтэ5э, тыа хаһаайыстыбытыгар, ИП, уопсайа 40 коммунист үлэлиир. Партийнай, политическай уонна общественнай үлэ5э толору эппиэттиир, бойобуой дьоҕурдаах коммунистар учуотка тураллар.
Партийнай взноһу, партийнай поручениены толорбот, мунньахтарга сылдьыбат буолуу таһаарылла турар. Сорох эдэр коммунистар партийнай тэрилтэни кытары сибээстэрин быһан баран сылдьаллар. Устав көрдөбүлүнэн ити коммунистар партияттан таһаарыллан иһиэхтээхтэр. Кэлин буолбут бюроҕа таһаарарга этии оҥоһулунна. Якутскайга барбыт коммунистар киирэн учуотка турбаттар. Чурапчы маҥнайгы сүһүөх партийнай тэрилтэтигэр секретарынан талыллан баран Христофоров Анатолий Пантелеймонович, Атласов Сергей Николаевич биир да партийнай мунньаҕы ыытпакка, райком уопсай үлэтигэр олорсо сырыттылар. Эдэр хомунньуустар өттүлэриттэн инициатива суох. Кэлэр өттүгэр саҥа састаап болҕомтоҕо ылан итэҕэстэри туоратарга үлэтин былааннаан ыытарын докладка тоҕолоон этилиннэ.
Отчуоттуур кэмҥэ партийнай үлэлэр кыһыл политическай даталарга бюро көрүүтүнэн былаан оҥостон улэни ыытан кэллибит. Кыайыы 75 сылыгар алтынньы 11 күнүгэр 2019с. Кыайыы болуоссатыгар нэһилиэнньэ кыттыылаах Кыайыы былааҕын күөрэччи туруордубут. Комсомол 101 сылыгар выставка тэриллибитэ. Улуу Өктөөпкө улуустааҕы музей үлэһиттэрэ кыттыылаах « Чурапчыга Өктөөп революциятын сабыдыала» - диэн ис хоһоонноох төгүрүк остуол ыытылынна ,музей директора Толстоухов Юрий Семенович дирин ис хоһоонноох доклады оҥордо.
И.В. Сталин 140 юбилейнай сааһыгар улууска научнай-практическай конференция «Генералиссимус Победы» диэн оскуола оҕолоругар, Чурапчытааҕы колледж студеннарыгар ыытылынна. Научнай- практическай конференцияҕа киин библиотека, ««Саҥа олох» хаһыат редакцията кыттыһан, барыта 21 доклад иһиллиннэ.
Партийнай тэрилтэ коммунистическай субботунньугу традиция курдук тутан кэллэ, быйыл пандемиянан сибээстээн В.И.Ленин памятнигар сибэкки дьөрбөтүн ууруунан түмүктэммитэ. Нэһилиэктэргэ араас тутуулар барыыларыгар бэйэбит сэмэй кылааппытын киллэрсэбит. Партийнай соратникпыт, доҕорбут, табаарыспыт комм. Мындаҕаайы партийнай тэрилтэ секр.Собакин Афанасий Савельевич огдообото Матрена Николаевна көрдөспүтн 7 буолан хотонун аччатан муостатын өрөмүөннээн биэрдибит. Атласов Сергей Николаевич тэрийиитинэн коммунистар балыктаан аҕа саастаах дьоммутугар көмө оҥордулар.
Партийнай учуотка турар коммунистар взноһу төлөөһүннэрэ, партияны финансовай өртүнэн бөҕөргөтүүбүт буоларын умнуо суохтаахпыт. Хомойуох иһин сорох хомуньуустар сылы сылынан төлөөбөттөр, взнос төлөөһүнэ ытык иэспит, партийнай дисциплина буоларын өйдүүр кэммит кэллэ.
2020 сыл сыл анарыгар барыта – 68.563 т.солк хомуллубутуттан, реском кассатыгар 54.0000 т.солк туттарылынна , 14.000 т.солк. райкомҥа расход оҥоһуллан отчуоттанна. Коммунист олорорун тухары бэйэтин билиитин хаҥатыыга, үрдэтиигэ үлэлиэхтээх, хаһыаттарга «Правда», « Коммунист» уо. да а. периодическай бэчээткэ булгуччу сурутан республика уонна улуус социальнай, экономическай сайдыытыгар кыттарга бэлэм буоларга сорук туруоруохтаах.
Отчуоттур кэмнэ нэһилиэктэргэ 7 коммунист депутаттар талыллан улэлээтилэр. Саха Республикатын Государственнай мунньаҕар V I ыҥырыылаах Ил Түмэн быыбарыгар партийнай испииһэгинэн Никитин Семен Иванович ааһан улэлии сылдьар. Быйыл муниципальнай быыбардар Кытаанахха, Сыланҥа нэһилиэк главаларыгар, 3 нэһилиэккэ нэһилиэк депутаттарыгар буоллулар. Диринҥэ ЕР сууттаммыт кандидаттара туран, быыбар кыайан барбата. Сэтинньи ый 1 күнүгэр буолар. Реском Чурапчыттан төрүттээх эдэр коммуниһы Картузов Дмитрий Саввиһы рекомендациялаабытын III Пленумҥа туруоран агитационнай үлэни ыыттыбыт. Уопсайынан улахан политическай буһууну-хатыыны ааста. Нэһилиэктэр депутаттарыгар биһигинэн туруоруллубут кандидаттар Сыланҥа Никитин Ваcилий Николаевич, Сивцев Иван Осипович, Кытанахха Монастырева Людмила Ивановна аастылар. Реском сорудаҕынан Атласов Сергей Николаевич. салайааччылаах партийнай тэрилтэ коммунистара ыаллыы Таатта улууһугар, Главаҕа Даайа Амматыгар куһаҕана суохтук үлэлээтилэр.
Дьокуускайтан кэлбит агитационнай матрыйааллары тарҕатыыга.коммунистар. Местников Ванифатий Ванифатьевич, Федорова Альбина Афанасьевна системалаахтык үлэлииллэр. Альбина Афанасьевна рюкзакка сүгэ сылдьан, эт атаҕынан ардаҕы, хаары аахсыбакка нэһилиэнньэҕэ тиэрдибитэ уонна билигин да тиэрдэр.
Төрүт Сокуон уларытыыга бүтүн Россиятааҕы куоластааһын үс кун ыытыллынна . Сайын Реском ыытпыт анкетатынан Төрүт сокуону уларытыыга анкета толотторуутугар коммунистарбыт Новгородов Михаил.Михайлович., Федулова Христина .Петровна, Горохова Татьяна Николаевна.активнай кыттыыны ыллылар. Чурапчы улууһа 42,86 % ылан Республикаҕа үчүгэй көрдөрүүнү ситистибит.
I секретарь Никитин Семен Иванович ыытпыт үлэтин конференция делегаттара истэн уонна дьүүллэһэн баран үчүгэйинэн сыаналаатылар, итэҕэстэри туоратан райком саҥа састаабыгар өссө үчүгэйдик, ситиһиилээхтик үлэлииллэригэр баҕа санааларын эттилэр. Отчуотка сүнньүнэн 3 боппуруос киирдэ, 6 делегат кэпсэтиигэ кытынна. Реском рекомендациятын баарын үрдүнэн, Атласов Сергей Николаевиһы альтернатива туруоран куоластааһын ыытылынна. Никитин Семен Иванович делегаттар баһыйар куоластарын ылан 12 төгүл Чурапчы улууһун Райкомун I секретарынан талылынна. Түмүккэ конференция 7 пууннаах уураах ылынна. Чурапчы хомунньуустара Госдума быыбарын биир сомоҕо буолан,үрдүк таһымҥа ыытарга бигэ санаалаах тарҕастыбыт.
Педагогическай үлэ ветерана, коммунист Никитина М.В.