Мин, бигэ тылларын биэрэн, коммунистическай идеалларын таҥнарбатах кырдьаҕас көлүөнэ коммунистарбытын баараҕай тиит маска, ыарахан кэмҥэ партияларын таҥнаран, сиргэ-буорга тэпсибит дьону көмньөххө холуубун. «Тыал хайа диэкиттэн үрэр да сэбирдэх курдук тэлибириир», — диэн биир тыла суох дьон туһунан бэргэн этии баар. Ол этии билиҥҥи олохпут таһымын толору туоһулуур. Бу отучча сылы быһа көмньөхтөр салайан кэлбиттэрин түмүгүн бары көрөбүт. Олохпут таһыма күннэтэ мөлтөөн, уустугуран иһэр. Сыана үрдээһинэ, үөрэх, эмтэнии барыта төлөбүрдээх, пенсионнай саас үрдээһинэ, туох баарга барытыгар налог, сирбит баайа ахсааннаах киһи бас билиитигэр киириитэ, баай-дьадаҥы араастаһыыта күннэтэ улаатан иһиитэ, инникигэ эрэл суох буолуута... Маннык холобурдары тохтоло суох аҕала туруохха сөп.
Олохпут таһымын көннөрүү хас биирдиибититтэн тутулуктаах. Бу дьыл кулун тутар 26 — 28 куннэригэр Дьокуускай куорат баһылыгын уонна аны күһүн балаҕан ыйыгар Госдума быыбарыгар булгуруйбат биир тыллаах КОММУНИСТАРГА куоласпытын биэрэн олохпут таһымын көннөрөр кыах толору баарын өйдүөҕүц. Оҕолорбут, сиэннэрбит инники дьылҕалара ыраас, сырдык буолара бэйэбититтэн тутулуктаах! Биир да куолаһы единайдарга уонна кинилэр хос моонньохторугар — Сиэрдээх Россияҕа — биэримиэҕиц!
Норуот күүһэ, көмүөл күүһэ!
Сергей АТЛАСОВ,
РФКП Чурапчытааҕы райкомун
идеалогияҕа секретара.