Кини уопсастыбаннай олоххо олус көхтөөҕө. Уһун кэм устатыгар баартыйа райкомун чилиэнинэн, райком бюротун чилиэнинэн, КПРФ райкомун сэкирэтээринэн, райсовет исполкомун чилиэнинэн, райисполком аппараатын партийнай тэрилтэтин сэкирэтээринэн үлэлээбитэ. 1962 сылтан лектор уонна пропагандист этэ. Кини көҕүлээн тэрилтэлэри түмэ тардан, улуус киинигэр ипподрому туттарбыта. Василий Семенович дьыалабыай уонна киһи быһыытынан эҥкилэ суох хаачыстыбаларынан, талан ылбыт идэтигэр бэриниилээх уонна эппиэтинэстээх сыһыанынан, уопсастыбаннай олоххо көхтөөх кыттыытынан улуус олохтоохторун уонна уопсастыбаннаһын ытыктабылларын ылбыта. Кини өр сыллаах уонна ситиһиилэээх үлэтэ сыаналанан, «Бочуот знага” уордьанынан, «В.И.Ленин төрөөбүтэ 100 сылыгар килбиэннээх үлэтин иһин”, “Үлэ бэтэрээнэ”, “Сэбиэскэй Сойуус Маршала Жуков” мэтээллэринэн, “Социалистическай куоталаһыы кыайыылааҕа”, “Баартыйа бэтэрээнэ“ бэлиэлэринэн, ЫБСЛКС Киин Кэмитиэтин, Саха АССР Үрдүкү Сэбиэтин Президиумун, Саха АССР Миниистирдэрин Сэбиэтин уо.д.а. Бочуотунай грамоталарынан, Махтал суруктарынан, “Ньурба улууһун бочуоттаах олохтооҕо“ бочуоттаах аатынан наҕараадаламмыта.
Василий Семенович кэргэнигэр Ирина Васильевнаҕа, оҕолоругар-сиэннэригэр дириҥ кутурҕаммытын тиэрдэбит. Ытыктыыр аҕа табаарыспыт туһунан сырдык өйдөбүл биһиги өйбүтүгэр-сүрэхпитигэр өрүү тыыннаах буолуоҕа.