Сүбэ мунньах кыттылаахтара бу дьыл балаҕан ыйын 20 күнүгэр ыытыллар Госдума депутаттарын быыбарыгар кыттар РФКП Саха сиринээҕи тэрилтэтин сэкирэтээрдэрин кытта көрүстүлэр. 29 №-дээх биир мандааттаах быыбардыыр уокурукка РФКП-тан депутакка кандидат Айаан Васильев уонна “Иркутскай уобалас — Саха сирэ” 14-№-дээх уокурук РФКП партийнай испииһэгэр киирбит депутакка кандидат Вячеслав Куличкин быыбардаачыларга “Кыайыы программатын” туһунан кэпсээтилэр. Үгүс мунаарар боппуруостарыгар дьоһун, толору эппиэти ылан, астынан тарҕастылар.

Норуот күүһүнэн — көмүөл күүһүнүү харысхаллаах, түмсүүлээх буолуоҕуҥ!

Валерий ФИЛИППОВ,

РФКП Мэҥэ-Хаҥаластааҕы райкомун

бастакы сэкирэтээрэ.