1-кы ХАРДЫЫ.
СЫАНА, ИЭС-КҮҮС
УОННА ТАРЫЫП
ҮРДҮҮ ТУРАРЫН
ТОХТОТУОХПУТ
Тыын суолталаах табаар, ас-үөл, эмп-томп, оҕолорго аналлаах табаар сыанатын судаарыстыба сүрүннүөҕэ. Килиэп, үүт, эт, хортуоппуй сыаната 300 бырыһыаҥҥа тиийэ үрдүүрүн тохтотуохпут! НДС түһүмэҕинэн тохтотуллуоҕа. Маҕаһыыҥҥа хас биирдии атыылаһыы 10–20 бырыһыан чэпчиэҕэ. ДьУоХХ төлөбүрэ дьиэ кэргэн дохуотун 10 бырыһыанын куоһарыа суоҕа. Өскөтүн ыал дохуота 50 тыһыынча буоллаҕына, 5 тыһыынчаҕа диэри төлүөххүт. Өскөтүн 120 тыһыынча буоллаҕына, 12 тыһыынчаттан кыраны төлүөххүт.
Иэстэрин-күүстэрин кыайан төлөөбөтөх дьону баар-суох дьиэлэриттэн үүрэн таһаарары КПРФ бобуоҕа.
Биһиги баан буолбакка, дьон диэкибит. Элбэх оҕолоохторго – оҕо төрөөтөҕүн ахсын иэс-күүс кыччатыллан иһиэҕэ. Үһүс оҕо төрөөтөҕүнэ – иэс олоччу сотуллуоҕа!
2-с ХАРДЫЫ.
КУОРАТТАРГА УОННА
СЭЛИЭННЬЭЛЭРГЭ –
ҮЛЭ МИЭСТЭЛЭРИН
УОННА САЙДЫЫНЫ
Биһиги собуоттары уонна баабырыкалары Арассыыйа эрэгийиэннэригэр төннөрүөхпүт!
Куораты үөскэтэр предприятиелар сабыллалларын тохтотуохпут. Стратегическай суолталаах салаалар судаарыстыба хонтуруолугар төннүөхтэрэ. Дьоһун хамнастаах үлэ дьиэҕит аттыгар баар буолуо.
Тыа сирэ сөбүгэр сыаналаах оттугунан хааччыллыаҕа. Диисэл уонна бэнсиин сыаната 30% чэпчиэҕэ. Ыһыы үлэтин кэмигэр тыа хаһаайыстыбатын производствота мөлүйүөнү кэмчилиэҕэ. Тыа хаһаайыстыбатын үбүлээ-һин түөрт төгүл үрдүөҕэ.
Муҥутуур кыра хамнас 45 тыһыынча солкуобайтан кыра буолуо суохтаах. 2030 сылга Арассыыйаҕа 200 тыһыынчаттан кыра дохуоттаах ыал хаалыа суохтаах!
Быраҕыллыбыт сирдэри эргииргэ төннөрүү. 25% буолбакка, 3–4 % кирэдьиити биэриэхпит. Кэпэрэтииптэр судаарыстыба үгүс өрүттээх көмүскэлин ылыахтара.
3-с ХАРДЫЫ.
УМНА¤ЫККА ТЭ¢НЭЭХ
БУОЛБАККА,
СИЭРДЭЭХ БИЭНСИЙЭ
Наукаҕа тирэҕирэн олохтоммут биэнсийэҕэ тахсар сиэрдээх саас: эр дьоҥҥо – 60, дьахталларга — 55.
БИЭНСИЙЭЛЭЭХТЭРГЭ. Биэнсийэ кээмэйэ дойдуга орто хамнас кээмэйин 50% диэри улаатыаҕа. Өскөтүн орто хамнас 120 тыһыынча солкуобай буоллаҕына, биэнсийэ кээмэйэ 60 тыһыынчаттан итэҕэс буолуо суохтаах. 2–3 төгүл улаатыаҕа! Мунньуу биэнсийэни толору кээмэйинэн төннөрүөхпүт.
Биэнсийэ кээмэйэ толору индексацияланар буолуоҕа. Биэнсийэни “тоҥорууну” тохтотуохпут. Бырабыыталыстыба ситэ төлөөбөтөҕүн барытын төлөтүөхпүт.
“СЭРИИ КЭМИН О¡ОЛОРУГАР”. Дьоһун төлөбүрдэр уонна чэпчэтиилэр тустарынан федеральнай сокуону ылыахпыт. 90-с сылларга уоруллубут харчыны төннөрөр уолдьаста. 10 сыл устатыгар судаарыстыба эһигини кытта толору төлөһүөҕэ.
Тыа сиригэр 30 сыл уонна онтон уһуннук үлэлээбиттэргэ надбавка мэктиэлэниэ. Судаарыстыба көмөлтө хаһаайыстыбалары уонна саады-оҕуруоту көрөөччүлэр табаарыстыбаларын өйүөҕэ.
40 тыһыынча солкуобай кээмэйдээх биэнсийэлээх киһи коммуналкаҕа 2 тыһыынчаттан элбэҕи төлүө суоҕа. 70 саастарын ааспыт дьон хапытаалынай өрөмүөн усунуоһуттан босхолонуохтара.
4-с ХАРДЫЫ.
ДОРУОБУЙАНЫ АТЫЫЛАһАН ЫЛБАККЫН.
МЭДИССИИНЭ –
Ө¢Ө ЫРЫЫНАГА
БУОЛБАТАХ
Страховкаһыттары тохтотон, мэдиссиинэни судаарыстыба быһаччы үбүлүүр ньыматын төннөрүөхпүт. Балыыһаҕа уонна поликлиникаҕа босхо эмтиэхтэрэ. Чааһынай мэдиссиинэ баҕалаах дьоҥҥо үлэлиэҕэ.
Эмчиттэр хамнастара биллэрдик үрдүөҕэ. Ону тарыып биир кэлим сиэккэтэ быһаарыаҕа. Соло акылаатын муҥутуур кыра ыстаапката ииттинэн олорор кээмэйтэн намыһах буолуо суоҕа. Доруобуйа харыстабылын үбүлээһин үс төгүл үрдүөҕэ. Балыыһаларга саҥа тэрил туруоруллуоҕа.
Тыын суолталаах эми-тому – судаарыстыба суотугар. Эпэрээссийэҕэ ким да харчы умналаһыа суоҕа. Физкультураны уонна успуорду ким барыта дьарык оҥостор кыахтаныаҕа. Успуорт саалата, бассыайын, стадион, успуорт оскуолата дьиэттэн чугас, ону тэҥэ хайа да ыал уйунар сыаналаах буолуоҕа.
5-с ХАРДЫЫ.
ТӨЛӨБҮРЭ СУОХ ҮӨРЭХ. ӨЙДӨӨХ ОМУК –
САЙДЫЫЛААХ ДОЙДУ
Икки оҕото оскуолаҕа үөрэнэр ыал аһылыкка, куруһуокка уонна эрэпэтиитэргэ саҥа быраабылабытынан 1 да солкуобайы төлүө суоҕа. Ускуустуба оскуолатыгар уонна успуорт сиэксийэтигэр баҕалаах барыта дьарыктаныаҕа. Өрөмүөҥҥэ, түннүк сабыытыгар, СКЭ-ҕэ бэлэмнэниигэ харчы хомуйуу туһунан умнуоххут. Ордук улахан болҕомто элбэх оҕолоохторго ууруллуоҕа.
Оҕо дьылҕатын төрөппүт сиэбэ буолбакка, талаана, кыһамньыта быһаарыахтаах. Оскуолаҕа итии аһылык – бу оҕо доруобуйата, дьиэ кэргэн бүддьүөтүн кэмчилээһин.
Истипиэндьийэ ииттинэн олоруу алын кээмэйиттэн намыһах буолуо суохтаах. Эдэр саас – билиини сомсорго, науканан дьарыктанарга ордук табыгастаах кэм!
Эрэгийиэннэргэ хамнас кээмэйин тарыып биир кэлим сиэккэтэ быһаарыаҕа. Соло муҥутуур кыра акылаата ииттинэн олорор кээмэйтэн намыһах буолуо суоҕа. Үөрэхтээх исписэлиистэр тас дойдуларга көһөн баралларын тохтотуохпут. Наука судаарыстыба тумус суолталаах хайысхата буолуоҕа.
Култуура анала – иитии уонна сырдатыы. Арассыыйаҕа толору кээмэйдээх култуурунай олох ирдэнэр. Тыйаатырга, түмэлгэ, бибилэтиэкэҕэ, норуот айымньытын дьиэтигэр, ускуустуба оскуолатыгар – өрөмүөнү уонна аныгы кэм ирдэбилигэр сөп түбэһэр хааччыллыыны. Култуура үлэһиттэригэр – дьоһун хамнаһы.
6-с ХАРДЫЫ.
АРАССЫЫЙА БААЙЫН
НОРУОККА ТӨННӨРӨРГӨ
Экэниэмикэ тутаах салааларын судаарыстыба бас билиитигэр төннөрүөхпүт. Сиртэн хостонор баай, энэргиэтикэ, тырааныспар, ситими үөскэтэр баан норуот бүттүүнүн баайа буолуоҕа. Айылҕа баайын рентата баайдарга буолбакка – бүддьүөккэ киириэ.
Дойдуну сайыннарыы былаана баар буолуохтаах. Судаарыстыба тугу тутуохтааҕын, төһөнү оҥорон таһаарыахтааҕын, харчытын ханна угуохтааҕын булгуччу билиэхтээх.
7-с ХАРДЫЫ.
БААННАР ТҮӨКҮННҮҮР
БУОЛБАККА,
ДОЙДУНУ САЙЫННАРАР
АНАЛЛААХТАР
Оҥорон таһаарыыга кыра бырыһыаннаах, уһун болдьохтоох харчы ирдэнэр. Тастан киллэриини солбуйуу уонна саҥардан биэрии дьыалатыгар төһүү буолуоҕа. Собуоттар тэриллэрин саҥардыахтара, аграрийдар тиэхиньикэ уонна уоҕурдуу атыылаһыахтара.
Бу эйгэҕэ кирэдьиит 25–30 % оннугар 3–4 % буолуоҕа. Эһиги бааннары байытар оннугар оҥорон таһаарыыны сайыннарыаххыт, үүт, эт, килиэп уонна таҥас-сап сыаната биллэрдик чэпчиэҕэ.
8-с ХАРДЫЫ.
НОЛУОК ЫАР БАТТЫГЫН ДЬАДА¢ЫЛАРГА
БУОЛБАККА –
БААЙДАРГА
Хамнас икки алын кээмэйиттэн намыһах хамнастаахтары барыларын дохуот нолуогуттан босхолуур уолдьаста. Ол түмүгэр дьиэ кэргэн бүддьүөтүгэр ыйга 5 тыһыынча уонна онтон элбэх солкуобайы хаалларар кыахтаныахпыт.
Нолуок тиһигэ Арассыыйа гражданнарыгар дьэҥкэтик көстөр уонна барыбытыгар өйдөнөр буолуохтаах. Ханнык да кистэммит хомуур уонна төлөбүр суох буолуохтаах.
Үрдүк хамнаска уонна дивидеҥҥэ биһиги прогрессивнай нолуогу туттуохпут. Дыбарыаска, сөмөлүөккэ, яхтаҕа – дэлэгэй баайга нолуок эмиэ баар буолуоҕа. Испииргэ, табахха судаарыстыба монополиятын төннөрүөхпүт.
Биһиги оҕолоох ыалларга НДФЛ суһаллык тохтотору туруорсабыт. Ийэ хапытаалын хас биирдии оҕоҕо мэктиэлиэх тустаахпыт.
9-с ХАРДЫЫ.
ЦЕНЗУРАТА СУОХ
ИНТЭРИНИЭТИ,
ХОРУУПСУЙАТА СУОХ БЫЛАА¤Ы
КПРФ көнө сүрүннээх былаас иһин, биһиги бобууну-хаайыыны уонна эргиччи хонтуруолу утарабыт.
Биһиги чиэһинэй быыбары төннөрүөхпүт. Быһаарар оруолу эһиэхэ биэриэхпит. Сымыйа бүлүтүөннэри, элэктэриэн куоластааһыны кытта ситимнээх “фокустары” бохсуохпут.
Хоруупсуйаны кытта кимиилээхтик охсуһар уолдьаста. Хааһына харчытын бачаачайдааччылары – баайдарын былдьаан туран түүнүктээх түрмэҕэ.
Ким барыта туһанар кыахтаах уонна куттала суох Интэриниэт – олох ирдэбилэ, гражданнар былдьаммат бырааптара. Дьон араас харгыстан уонна хааччахтааһынтан эрэйдэниэ суохтаах. Үөрэх, наука уонна сайдыы ХХI үйэҕэ информация түргэнник тарҕанарын ирдииллэр. Интэриниэт уонна сыыппара платформаларын көмөтүнэн мөлүйүөнүнэн дьон үлэлииллэр, биисинэстэрин сайыннараллар, өҥөнү ылаллар. Кинилэр үөрэнэллэригэр, үлэлииллэригэр, бэйэ-бэйэлэрин кытта кэпсэтэллэригэр туорайдаһар табыллыбат.
КПРФ интэриниэт түөкүн-нэрин утары кытаанахтык охсуһары туруорсар. Кибер-түөкүттэри уодьуганныахха уонна кытаанах эппиэккэ тардыахха. Ханнык да күһэйии, кыһарыйыы табыллыбат. Судаарыстыба атыылаһыыта барыта дьоҥҥо дьэҥкэ уонна өйдөнүмтүө буолуо. Сыыппара платформаларын сайыннарыы – дьоҕус биисинэс уонна дьиҥ оҥорон таһаарыы туһатыгар.
10-с ХАРДЫЫ.
САЙДЫЫ УОННА
КУТТАЛ СУОХ БУОЛУУТУН БҮДДЬҮӨТЭ.
КҮҮСТЭЭХ ААРМЫЙА –
КЫАХТААХ ДОЙДУ
Судаарыстыба дохуотун үүнүүтэ – хамнаһы үрдэтии уонна саҥа дьиэ-уот, бастыҥ собуоттар уонна модун аармыйа, төлөбүрэ суох мэдиссиинэ уонна сайдыылаах успуорт. Бу барыта – өйгө эрэ оҥорон көрүү буолбатах. Судаарыстыба дохуота тэтимнээхтик үүнүөҕэ. Судаарыстыба бүддьүөтүгэр эбии 32 триллион солкуобай киириэҕэ. Үп барыта социальнай бырагыраамаларга, сайдыыга уонна национальнай куттал суох буолуутугар суһаллык ыытыллыаҕа.
Саҥа дохуот – бу технологическай үүнүү төрдө. Бу – дойду үрдүнэн уонунан тыһыынча тутуу. Бу – эһиги куораккытыгар, сэлиэнньэҕитигэр саҥа суол-иис, оскуола, балыыһа. Бу – робототехникаҕа, авиацияҕа, куосумаска саҥа кирбии.
Модун байыаннай-бырамыысыланнай комплекс Арассыыйа тутулуга суох буоларын мэктиэлиир. Аармыйа уонна флот бастыҥ сэби-сэбиргэли ылыахтара. Эписиэрдэр сулууспаларын үтүө аатын сорунуулаахтык көтөҕүөхпүт.
Судаарыстыба Аҕа дойдуну көмүскээччилэргэ уонна кинилэр дьиэ кэргэннэригэр сөптөөх социальнай өйөбүлү хааччыйыаҕа. Чугас дьоннорун сүтэрбиттэр тэҥинэн икки биэнсийэни ылар бырааптаныахтара – бэйэлэрин уонна иитэр киһини сүтэрии иһин.
ЭН КУОЛА¤Ы¢
БАРЫТЫН БЫһААРАР!
“Тугу да кыайан уларытар кыахпыт суох” диир дьону итэҕэйимэҥ. Олохпутун бэйэбит эрэ уларытар кыахтаахпыт. Сомоҕолоһон, норуот модун санаатынан. Бэйэни тэриниитинэн уонна тус көҕүнэн. Эрэллээхтик, эйэлээхтик.
Олорон кэлбит устуоруйабыт уонна буулаҕа санаабыт, эппиэтинэс уонна көдьүүстээх бырагырама – барыта баар. Норуот баһыйар аҥаарын баартыйатын кытта буол!
Дьоһун үлэни, сиэрдээх биэнсийэни, төлөбүрэ суох доруобуйа харыстабылын туруулас!
Социализмы тутуу уонна Аҕа дойдуну чөлүгэр түһэрии бырагырааматын тал!
КЫАЙЫЫ БЫРАГЫРААМАТА — БУ БИ¤ИГИ УЛУУ
УОПСАЙ КЭСКИЛБИТ!