“Туу да кыайан уларытар кыахпыт суох” диир дьону итэҕэйимэҥ. Олохпутун бэйэбит эрэ уларытар кыахтаахпыт. Норуот модун санаатынан. Бэйэни тэриниитинэн уонна тус көҕүнэн.

Мин санаабар, тыын суолталаах табаар, ас-үөл, эмп-томп, оҕолорго аналлаах табаар сыанатын судаарыстыба сүрүннүөхтээх. Биһиги, коммунистар, ону туруорсабыт. Килиэп, үүт, эт, хортуоппуй сыаната 300 бырыһыаҥҥа тиийэ үрдүүрүн тохтоторго кыһаллыам.

Олох-дьаһах коммунальнай хаьаайыстыба төлөбүрэ дьиэ кэргэн дохуотун 10 бырыһыанын куоһарыа суохтаах диэн биһиги партиябыт туруорсар. Өскөтүн ыал дохуота 50 тыһыынча буоллаҕына, 5 тыһыынчаҕа диэри төлүөхтээххит. Өскөтүн 120 тыһыынча буоллаҕына, 12 тыһыынчаттан кыраны төлүөхтээххит диэн туруорсабыт.

Иэстэрин-күүстэрин кыайан төлөөбөтөх дьону баар-суох дьиэлэриттэн үүрэн таһаарары мин бопсобун.

Тыа сирэ сөбүгэр сыаналаах оттугунан хааччыллыытын ситиһиэм. Дизель уонна бензин сыаната 30%-нан чэпчиирин ситиһиэм. Тыа хаһаайыстыбатын үбүлээһин түөрт төгүл үрдүүрүн коммунистар туруорсаллар. Тыа сиригэр 30 сыл уонна онтон уһуннук үлэлээбиттэргэ надбавка мэктиэлэнэрин ирдиибит.

Государство көмөлтө хаһаайыстыбалары уонна -оҕуруоту көрөөччүлэр табаарыстыбаларын өйүөхтээх дии саныыбын. Ону туруорсуом.

Тыын суолталаах эми-тому государство суотугар атыылаьыахха наада. Эпэрээссийэҕэ ким да харчы умналаһыа суоҕа.

“Сэрии кэмин оҕолоругар” дьоһун төлөбүрдэр уонна чэпчэтиилэр тустарынан сокуону ылары коммунистар туруорсубуттара ыраатта. Ону туруорсуом. 90-с сылларга уоруллубут харчыны төннөрөр уолдьаста.

Ытыктабыллаах быыбардааччылар, социализмы тутуу уонна Аҕа дойдуну, ол иһигэр республикабытын чөлүгэр түһэрии бырагырааматын тал!

Дмитрий ПЕТРОВ,

Саха Өрөспүүбүлүкэтин

Ил Түмэнигэр Үөһээ Бүлүү — Горнай

15-с №-дээх быыбардыыр уокуругар

депутакка кандидат.