Известный певец, киноактер, артист Саха театра, продюсер и шоумен Алексей Егоров - Еркен стал директором Театра Эстрады.

18 марта министр культуры и духовного развития РС (Я) Владимир Тихонов представил коллективу Театра Эстрады нового директора - Алексея Егорова.

На этом посту он заменил Василия Филиппова, который проработал на этой должности более 30 лет.

Справка:

Алексей Егоров - профессиональный актер, имеет два высших образования режиссера и продюсера, до назначения директором работал начальником съемочного комплекса ГНК "Сахафильм", руководителем ООО "Детсат-энтертеймент". Имеет большой опыт в реализации проектов в сфере культуры и искусства, высокие профессиональные навыки в организации концертов, постановке мюзиклов, театрализованных представлений. Под его руководством выпущено 16 полнометражных художественных фильмов. Отличник культуры РС (Я), обладатель гранта президента РС (Я) "За лучший проект" (2014).

Источник: News.Ykt.Ru

“Ол күн, туох эрэ үтүөнү  биттэммиттии, халлаанныын чэмэлкэй, күннүүн чаҕылхай этэ”, - диэн, олоххо хатыламмат түгэни хоһуйарга, ыраас кумааҕыга киирии тыл суоруллубаттыы чиҥник иҥиэхтээҕэ... Ону хайыахпытый, күннээҕи олоххо күн-дьыл да туруга, олунньу атын 28 хонугуттан туох да уратыта суох: дьыбардаах, кэмсиин. Сол да курдук, бүгүҥҥү сэлэһээччибит, ураты киһи дьиктиргиирин этиэ диэн эрдэттэн көһүтүллүбэтэҕэ да буоллар...

Соторутааҕыта анаммыт эргэ кэбиниэт саҥа хаһаайына, хайдах эрэ бэйэтигэр сөбө суох улахан көстүүмү кэппит киһи курдук сананан олороро тута харахха быраҕылынна. Улахан хара кириэһилэҕэ түгэх бүгэн олорон эргичийэр-урбачыйар, көхсүн этитэр, хараҕын халтарытар... -          Признавайся, что тебе от меня нужно? -          Правду, только правду и ничего кроме правды...  – ыйытыыга дьүөрэ хардарабын. Саҥата суох иһигэр “чэ, кытаахтаһан көр” диэбиттии күллэ быһыылаах. Афанасий Агитович ЕГОРОВ, бу дьыл олунньу 12 күнүгэр СР Бэчээккэ уонна телевидениеҕэ, араадьыйаҕа  департаменын салайааччытынан ананна. Кистэл буолбатах, элбэх киһи итини истэн өмүрдэ, арааһы бары туойда. Ким эрэ “түһүү” диэтэ, ким эрэ тугу этиэн тобулбата. Дьиҥинэн, бу дуоһунаска олорбут киһи – ким да буоллун – бары үөҕүллүөх этилэр. Филипп ПЕСТРЯКОВУ эргитэ сылдьан “ытыран” баран, аны барбытын кэннэ, били, “урукку ынаҕым үүттээх этэ” диэбиттии хата харыһыйа сыстыбыт. Онтон Агитович анаммытыгар сөҕөн баран сөтөлүннүбүт эрэ. -          Тулуйуоҥ, уйуоҥ да? -          Тугу? -          Суруналыыстар тойоннорун сөбүлээн “ыас оҥостор” идэлээхтэр ээ. -          Ээ, переживем! – диэтэр да, тылын бүтэһик дорҕоонноро саарбахтаабыттыы илигирэһэн ыллылар. -          Дьэ, туох-ханнык үлэттэн саҕалаары олороҕун? -          Тосту уларыйыы тахсыа диэн улаханнык эппэппин эрээри, Департамент үлэтин соруга арыый уларыйыа. Егор Афанасьевич сөптөөх сыал-сорук туруорда. -          Штаты сарбыйыы тахсар? -          Мм... кыратык 2-3 киһини эбии ылаары гынабын. -          Күүһүрдэҕин? -          Курдук. -          Сыал-сорук  туга эбилиннэ? -          Урут Департамент үбү тыырааччы эрэ курдук олорбут буоллаҕына, билигин итини таһынан государственнай СМИлэр бэйэ-бэйэлэрин кытары ситимнээхтик, толорсон- ситэрсэн, биир политиканан үлэлииллэрин ситиһиэхтээхпит. Ону баара, ити улахан проблема. -          Биир үбүлээччилээх эрээри тус-туһунан эрдии сатаммат диэбит курдук? -          Хардарыта дьайсан үлэлиэхтээхтэр. Итини таһынан, улуустарга, ордук хоту улуустарга хаһыат хойутаан тиийэр. Информацияны дьон телевизорынан уонна олохтоох хаһыаттартан ылар. -          Сурутуу түһэ турарын хайдах өрө тардаҕын? -          Сурутуу түһэрэ билигин биллэр суол. Ол трагедия буолбатах.  Аан дойдуга кумааҕы хаһыаттар тиражтара барыта түһэ турар. Бу, ленскэйдэри кытары кэпсэтэ сырыттым. -          Оруйуон хаһыатын редакциятын кытары? -          Даа, даа редакциялыын... Олохтоох дьаһалталыын...  Дьон интернеттэн информация ылаллар дииллэр. Интернет өтөн киирдэҕин, түргэтээтэҕин ахсын – кумааҕы хаһыат тираһа түһэрэ биллэр. Хаһыат сонуну кэпсииртэн тэйэн аналитикаҕа көһүөн наада. Интернет-сибээс билигин хоту улуустарга, Усуйаанааҕа, холобур, туох да хара күүһүнэн аһара сымната соҕус эттэххэ,  хаачыстыбата мөлтөх. Интернет суоҕун кэриэтэ, хаһыат хойутаан тиийэр. Онон дьон информацияны телевизортан ылар. Ыраах сытар улуустарга информацияны тарҕатар кыһалҕа,  улахан проблема. -          Оччотугар олохтоох хаһыат оруола үрдүөхтээх буоллаҕа? -          Туох да диэбит иһин, СМИ үлэтин сүнньэ уларыйыахтаах.  Литература сыла биллэрилиннэ. “Полярная звезда” сурунаал, санаан көр, тираһа 517 эрэ! Бу мин улааппыт, киһи буолбут сурунаалым.. Өскөтүн урут Саха сиригэр эрэ буолбакка, республика тас өттүттэн кытары суруйтарар сурунааллара эбит буоллаҕына, билигин ахсаана баара-суоҕа... 517.   Дьон литератураны аахпат буолбут. Уус-уран литератураны кырдьык сыаналыыр эрэ дьон бу сурунаалы суруйтараллар. Элитнэй эргимтэ сурутар сурунаалыгар кубулуйбута, биир өттүнэн, куаһаҕана суох, ол эрээри... -          Ол аата аҕыйах киһи сурутар сурунаалыгар мөлүйүөнүнэн үбү кутар наадата суох? -          Наада! Культураны, искусствоны солкуобайынан сыаналыыр төрдүттэн сыыһа. Культура маассаҕа киириэхтээх. -         Хайдах ньыманан? -          Толкуйдардаахпын. Үлэлээн киирэн бардахпына былааннаабыппын сыыйа-баайа олоххо киллэриэм. Интэриэстээх дьону кытары түмсэн сүбэлэһиэхпит, кэпсэтиэхпит. Сахалыы тахсар литературнай сурунааллар эмиэ итиччэ ааҕааччылаахтар.  “Хотугу сулус” эмиэ. Саҥа саҕалаан эрэр суруйааччылар тирэнэр площадкалара суох.  Тыаҕа элбэхтик сырыттаҕым дии, онно сахалыы кинигэ былдьаһык. Ити “Бичик” баар дии... -          ...Халыйаары гынныбыт буолбатах да? -          Суох-суох! Ол аата “Бичик” дьон ирдэбилин кыайан толорбот буоллаҕа. Суруйааччыларбыт икки аҥыы хайдан олороллор. Эдэр суруйааччылар бэчээттэнэр сирдэрэ суох. Суруйааччы престиһин ол үрдэппэтэ биллэр.  Литературнай критиканы сайыннаран....  Мин литератураҕа сыһыаннаахпын дии саныыбын, хантан эрэ тастан кэлбит киһи буолбатахпын. Холобур, суруйааччылар бэйэлэрэ трибуналаахтара буоллар, дьоҥҥо-сэргэҕэ санааларын тиэрдиэхтэрэ этэ. Айымньытын аахпыт киһим тылын-өһүн, санаатын ылынар буоллаҕым, түргэнник... -          “Суруйааччы престиһэ”, “литература сайдыыта”... – култуура министиэристибэтин үлэтэ эбээт. Бэчээт департамена диэн атын соруктаах тэрилтэ буоллаҕа, Афанасий Агитович. Холобур, ити (...) улуус хаһыатын ылан көрүөҕүҥ... -          Хайдаҕый? Мин сөбүлээн ааҕабын. -          Но! Итиччэ улахан улуус олохтоох хаһыатын ахсаанын көрүүй... -          Интернет, сибээс сайдыбыт сиригэр буолумуна. Олус үчүгэйдик суруйаллар. Өйдөнүмтүө, кылгас, киһи өйүгэр түһэр. -          Аньыы... -          Саамай үчүгэйдик сахалыы суруйар хаһыат! -          Ама? Тиражтара нэһилиэнньэтин ахсааныгар эппиэттэһэрэ буоллар, итэҕэйиэм этэ. -          Онон-манан эргитэн, уһун баҕайдык суруйалларын олох сөбүлээбэппин. Этии саҕаланарыгар этиллибити этии бүтэһигэр тиийэн умнан кэбиһэҕин. -          Сиэллээн-кутуруктаан, ойуулаан-дьарҕаалаан сахалыы суруйалларын сөбүлээбэккин? -          Билиҥҥи кэмҥэ ону дьон сүрэҕэлдьээн аахпат. -          Бай! Сахалыы хаһыат сонуну төрөөбүт тылынан кэпсииртэн ураты тыл тыыннаах хааларын толорор соруктаах эбээт. Төрөөбүт тылынан сонуну ааҕар, күннээҕини билэр-көрөр – тыл туттуллар эйгэтин кэҥэтии буолбатах да? -          “Саха сиригэр” соторутааҕыта ыстатыйа тахсыбыта (кимниин да сүбэлэспэккэ, бэйэлэрэ таһаарбыт этилэр) “аһара сахатыта сатаан тылы буортулаатылар” диэн ис хоһоонноох. -          Ээ сөп, “кыымнар” диэки таас тамнаабыт этилэр. -          “Урбаанньык”... -          ...“урбаанньыТ”... -          ... чэ, неважно, “урбаанньык” диэнтэн предпринимателлэр өһүргэнэллэр. Егор Афанасьевичтыын көрсүһүүгэ биир киһи туран: “Урбаанньык” буола-буола, тугуй бу?!” - диэн өһүргэммитэ. -          Ол эрээри дьон тылыгар хайы-үйэ киирдэ, туттуллар буолла. -          Наһаа “сахатытыы” сыыһа дии саныыбын. Өйтөн ыла-ыла айыыны, ким да өйдөөбөт. -          Бэйи, туох да диэбит иһин, “Кыым” сахалыы хаһыаттартан саамай элбэх тиражтаахтара. Дьон өйдөөбөтө буоллар, суруйтарыа суох этэ. -          ЕГЭҕэ Саха сирэ нуучча тылыгар 10-стан аллараа сылдьарын туһунан информацияны аахпытыҥ дуо? -          Баар этэ. Ол “наһаа сахатытыыттан” төрүттээх диигин? -          Оннук буолумуна. Үөрэх программатын хаттаан көрүөххэ наада. Мин уолум оскуоланы бүтэрэр икки сылыгар биир да сахалыы тылы кыбыппакка, олох нууччалыы эрэ кэпсэппитим. -          Ол эмиэ туохпутуй? -          Мин оҕобун куһаҕаннык нууччалыы саҥараҕын диэн ким да атаҕастыа суохтаах. -          Эйигин атаҕастаабыттара да, ол? -          Суох! Хаһан даҕаны. -          Оччотугар туох комплекса баарый? Сангаарга улааппытыҥ? -          Күлүөҥ этэ: мин Сангаартан икки саастаахпар дьонум көһөн бартара. Аҕам прокурор этэ, ол иһин оруйуоннарынан көһө сылдьан үлэлээбитэ. Бэйэтэ төрдө Үөһээ Бүлүү, ийэм Бүлүү этэ. Сунтаарга, Мииринэйгэ, кэлин 20 сыл Нерюнгрига олортум. Онон олоҕум баһыйар өттүн нууччалыы саҥарар эйгэҕэ бараабытым. -          Сахалыы ааҕаҕын? -          Эппитим ди оттон, (...) улууһун хаһыата - саамай үчүгэйдик сахалыы суруйар хаһыат диэн. -          Ээ, сөп-сөп... Сахалыы билбэт, саҥарбат  дииллэр дии, “оччо ааҕар” киһини. Тоҕо? -          Наһаа акценнаахтык сахалыы саҥарабын. Ол иһин кыбыстабын. Дифтоннары кыайан саҥарбаппын, “р” дорҕоону саха тылыгар барсыбаттык аһара кытаатыннарабын... - интервью былаһын тухары нууччалыыр, биирдэ эмэ сахалыы кыбытар. -          “Аһара сахатыйыы” олуона диэтиҥ онон? -          Мин биир билэр киһим уола сүүрбэтин быдан ааһан баран үлэлээбэккэ, үөрэммэккэ ийэтин дьууппатыгар сөрөнөн баран олорор. Тоҕо ханна да үлэлээбэккин, табаарыстарыҥ курдук вахтаҕа баран үлэлиэххин диибин. Ону туох диэн эппиэттээбитэ буолуой? -          “Тиийиммэппин”? -          “Нууччалыы сатаан саҥарбаппын”! -          Афанасий Агитович, бу билигин республиканы салайан олорор дьон – сахалыы үөрэммит, саха эйгэтигэр улааппыт, саха олоҕунан олорбут дьон ээ бары. -          Оччолорго “билим”, “урбаанньык” эҥин диэн тыллар суохтара эбээт. Биһиги сахалар, бастатан туран, сэнэммэккэ, өйбүтүн-санаабытын психологиябытын уларытыахпытын наада. Кимтэн да толлубакка, итэҕэс санаммакка барытыгар киирсэн иһиэхтээхпит. Кирдээх, куһаҕан үлэ диэн сиргэммэккэ, барытын ылсан иһиэххэ наада. -          Аны диэ... -          Итини нууччалыы буолбакка,бэйэбит испитигэр сахалыы суруйан, кэпсэтиини таһаарыахпытын, ыччат өйүгэр түһэр гына үлэ ыытыахпытын наада. -          Дьэ, государственнай бэчээккэр, телевидениеҕэр сорудахтыыр буоллаҕыҥ. Миллиардынан үбүлэнэр тэрилтэлэр... -          ...кыра-кыра! -          900-тэн эрэ тахса мөлүйүөн? -          Оннук. -          Онтон 460 мөлүйүөнэ “Саха” НКИКка барар? -          Оччо курдук. -          5-тии мөлүйүөн – оруйуон хаһыаттарыгар? -           Главнай редактордар хамнастара эрэ ити. -          Төһөнү ылалларый? -          40-50 тыһ. хамнастаахтар. -          Үчүгэйэй... редактордыы барыллара дуу... -          Миэстэ баар. -          Хоту улууска көскө ыытаары баҕа бөҕө... Улуустарга сылга  175 мөлүйүөн баранар? -          ... -          Онтон атына - 300 мөлүйүөнтэн ордуга “Сахамедиаҕа”? -          Оччо элбэх буолбатах. -          Генеральнай дириэктэр 200-тэн тахса тыһыынча хамнастаах буоллаҕына, өссө тиийбэт курдук... -          Бүгүн саҥа иккис күнүм. Ыгыма, тугун-ханныгын быһаарсыахпыт. -          Таах да оннук. Кыраныысса таһыттан үбүлэнэр хаһыаттар тустарынан туох санаалааххын? -          Үбүлээһин да араас сыаллаах-соруктаах буолар. Элбэх тэрилтэ омуктар граннарынан туһаммыта, туһанар даҕаны. Ол иһигэр биирдиилээн дьон эмиэ. Ону барыларын “таҥнарыахсыттар” диэн уорбалыыр сыыһа. Оттон, бу билиҥҥи буола турар аан дойдутааҕы уустук балаһыанньаҕа, Америка Госдепа барыҥныыр  фондаларыттан үбүлэнии – олус саарбах уонна туһата суох дьыала. Мин биир бэйэм сэргээбэппин. Арба, бу сыллааҕы Ил Дархан информацияны тарҕатыы эйгэтигэр грант олохтуурун туһунан дьаһал таҕыста. Мин биири сөбүлээбэппин, тоҕо хаһыаттарга “Республика Саха (Якутия)” диэн суруйалларын. Дьиҥинэн, Төрүт Сокуоҥҥа сурулла сылдьар: Республика Саха уонна Республика Саха (Якутия) диэн аат тэҥ суолталаахтар диэн. Суруналыыстар тоҕо скобкатын соһо сылдьаҕыт? -          Салалтаҕа үлэлээбит киһиттэн эйигиттэн ыйытыахха сөп. Тойон-хотун саҥарарын кэннэ кыра-хара үтүктүмүнэ. -          Официальнай докумуоҥҥа, баҕар, сурулуннун даҕаны, оттон көннөрү ыстатыйаларга тоҕо состоруулуугут? -          Дьэ  эрэ,  ылыс. Биһиги состоруутун эмиэ сөбүлээбэппит. -          Да? -          Даа... *** Туйаара НУТЧИНА, “Аартык.ру”