10. Улуус салалтатын, быраабы көмүскүүр уорганнары, социальнай тэрилтэлэри кытта сүбэлэһэн, сокуоннары өйдөтөр-билиһиннэрэр үлэ араас араҥаҕа былааннаахтык ыытылларын күүһүрдүөм;
- Арассыыйа, өрөспүүбүлүкэ араас социальнай бырагыраамаларыгар күүскэ киирсэн үлэлэһэри өссө кэҥэтиэм;
- Ас-үөл атыытын, олохтоох бородууксуйаны оҥорон таһаарыыны өйүөм, ордор бородууксуйаны ырыынакка (Расторгуевский рынок) атыылыыр усулуобуйаны тэрийэн, олохтоох нэһилиэнньэ эбии дохуот киллэринэригэр көмөлөһүөм.
13. МУП “Вилюит” тэрилтэни кытта үлэни салгыы тупсарар дьаһаллары киллэрэргэ үлэлэһиэм;
- Бүлүү куорат олохтоохторун тутуу матырыйаалларын уурар-харайар уонна тимир бөҕү туттарар аныгылыы анал базалары салгыы туттарыам;
- "Эргэ куорат" бырайыагы салгыыр үлэни ыыттарыам, эбийиэктэрин чөлүгэр түһэриигэ уонна харыстааһыҥҥа болҕомтобун күүскэ ууруом;
Социальнай эйгэ сайдыыта - сүрүн сорукпут
- Куорат түөлбэлэригэр регистрациялаах түмэт (уопсастыбаннай) тэрилтэлэрин эбии тэрийэн, түмсүүлэр бырайыактарын олоххо киллэрэллэригэр сөптөөх өйөбүлү салгыы оҥоруом;
- Уота-күөһэ мөлтөх уулуссалары сырдыгынан хааччыйар үлэни тэтимирдиэм, нэһилиэнньэ ППМИ бырагырааматыгар көхтөөхтүк кыттан, үбү-харчыны буларын ситиһэргэ салгыы үлэлиэм;
3. Куоракка сааскы уу, ардах уута сүүрэр ситимин oҥopyyra салгыы үлэлэһиэм;
4. Куораты толору гаастааһынҥа үлэни күүһүрдүөм, социальнай газификация бырагырааматыгар нэһилиэнньэни күүскэ кытыннарары салгыы туруорсуом;
5. Элбэх квартиралаах уонна чааhынай дьиэлэргэ канализацияны киллэриини, итии-тымныы уунан хааччыйыыны туруорсуом;
6. Өрөспүүбүлүкэ уонна улуус салалталарын кытта ыкса үлэлэһэн, сыбаалка боппуруоһа быһаарылларын ситиһиэм;
7. Хаарбах дьиэлэртэн дьону көһөрүү, тулаайахтар олорор дьиэлэрин тутуу федеральнай бырагыраамаларын салгыы толоруохпут, саҥа тутуллар таас эбийиэктэр хаачыстыбаларын бэрэбиэркэлиир үлэни өссө күүһүрдүөм;
- Куорат дьаһалтатыгар уочаракка турар 539 элбэх оҕолоох дьиэ кэргэҥҥэ уонна 53 инбэлииккэ уһаайба биэрэргэ, инфраструктуратын сайыннарарга үлэлэһиэм (уот, гаас, суолуонна сибээс), элбэх оҕолоох ыалларга уонна инбэлииттэргэ киирсибэт ыалларга анаан, уһаайба ылыытыгар аукцион тэрийиэм;
9. Эргэрбит ититэр тэриллэри аныгылыы технологияҕа олоҕурбут тэриллэринэн солбуйуу боппуруоһунүөрэтэн, ону олоххо киллэрэр суолу тобулуом;
10. Аныгы ирдэбилгэ эппиэттиир саҥа таас бэкээринэни, остолобуойу, эрэстэрээни туттарыыга уонна атыы-эргиэн кииннэрин, маҕаһыыннары саҥардан тупсаҕай гына тутууга урбаанньыттары кытта үлэлэһиэм;
- Бүлүү куоратыгар уонна Хордоҕой сэлиэнньэтигэр нэһилиэнньэ уопсастыбаннай тырааныспары туһанан айанныыр усулуобуйатын тэрийиэм;
- Оскуолалар, оҕо саадтара, о.д.а. иитэр-үөрэтэр тэрилтэлэр сирдэрин-уоттарын тупсарыыга уонна сэрэхтээх буолууну хааччыйыыга салайааччыларын кытта былааннаахтык үлэлэһэн, түүннэри-күнүстэри устар видеокамералары туруоруом;
- Туһааннаах тэрилтэлэри кытта чөл олоҕу, култуура уонна успуорт хамсааһынын сайыннарыыга, тэнитиигэ саҥа көдьүүстээх ньымалары киллэрэн салгыы үлэлэһиэм;
- Үлэтэ суох дьоҥҥо, устудьуоннарга үлэлиир миэстэлэри тэрийиэм, анал үөрэх тэрилтэлэрин кытта салгыы үлэлэһэн, сөбүлэҥ түһэрсэн, Бүлүү тэрилтэлэригэр наадалаах идэлэргэ үөрэттэриэм;
- Өбүгэбит үйэлээх үгэһин, төрүт итэҕэлин, сиэрин-туомун сөргүтэр, өрө тутар кэскиллээх үлэни сүрүннэһиэм. Саха омук төрүт Итэҕэлин Дьиэтин тутуутун туруорсуом уонна тутуллуохтаах сирин быһаарыам;
- Оскуола оҕолоругар куораты тупсарар сыаллаах үлэ лааҕырдарын тэрийэргэ салгыы үлэлэһиэм;
- Араас көлүөнэ дьон иллэҥ кэмнэрин атаарар анал сынньанар сирдэрин үксэтэргэ, тупсарарга үлэлэһиэм;
- Улахан Уолбут («Бүлүү парк») эргэ сүүрэр дорожкатын чөлүгэр түһэрэр уонна күрүөлүүр үлэни ыытыам;
- Ыччат дьон төрөөбүт куоратыгар олохсуйарыгар, дойдутугар бэриниилээх буоларыгар үлэлэһиэм;
- Доруобуйаларынан хааччахтаах дьон иллэҥ кэмнэрин тэрийиигэ болҕомтобун ууруом;
- Дьиэ кэргэн дойдуга элбэх оҕолонуу бэлиитикэтин олоххо киллэрэригэр көдьүүстээх социальнай өҥөлөрү туһанарыгар анал тэрилтэлэри кытары былааннаахтык үлэлэһиэм;
- Атын сиртэн кэлбит ыалдьыт кырдьаҕас Бүлүү куоратын кэрэ-бэлиэ миэстэлэрин сэргии-кэрэхсии көрөрүн-истэрин итиэннэ көдьүүстээхтик сынньанарын ситиһэр туһуттан Туур айан (туризм) сайдар суолун (дорожная карта) оҥорон, киэҥ хоннохтоох үлэни тэрийиэм;
- Куорат олохтоохторо доруобуйаларын тупсаралларын туһугар атын сиргэ баар анал тэрилтэлэри кытары сибээс олохтоон, сөбүлэҥ түһэрсэн үлэлэһиэм;
- Бүлүү куорат уонна Хордоҕой оттуур сирдэрин тыа хаһаайыстыбатыгар үлэни тэрийэр кыахтаах нэһилиэнньэҕэ сири түҥэтиэм уонна агро-, экотуризм бырайыагын оҥоруом.
- 2022 сыл балаҕан ыйыттан Хордоҕой – Бүлүү – Молодежнай хайысханан Саха Өрөспүүбүлүкэтин Суол-иис министиэристибэтэ биэрбит ПАЗ автобуһунан дьону таһыыны тэрийиэм.
- Чааһынай көлөлөөх куорат олохтоохторун техосмотрдарын аһардар анал тэрилтэ тэрийcэн үлэлиирин ситиһиэм;
- Элбэх квартиралаах олорор дьиэлэр тиэргэннэрин сырдатыыга балаҕан ыйыттан күүскэ үлэлэһиэм;
- Украинаҕа буола турар анал операцияҕа Бүлүү куораттан барар байыастарга уонна кинилэр дьиэ кэргэттэригэр көмө оҥоһулларыгар үлэлэһиэм;
- 2024 сылга Бүлүү куората төрүттэммитэ 390 сылыгар аналлаах үбүлүөйдээх тэрээһиннэри үрдүк таһымнаахтык ыыттарыам;
- Орто саастаах дьоҥҥо иллэҥ кэмнэригэр анаан культурнай уонна спортивнай тэрээһиннэри үксэтиэм.