Филипп Охлопков Мэҥэ Хаҥалас оройуонун салайан үлэлиир кэмигэр «Ыччат-2000» тус сыаллаах кэлим программа ылыллан күүстээх үлэ саҕаламмыта. Бу программа дириҥ ис хоһооннооҕо, кэскиллээҕэ. Ону ыытыллар үлэ туһаайыылара, хайысхалара да туоһулууллар Ол курдук, «Ыччат уонна экономическай реформа», «Тыа сирин оскуолатыгар сорох предметтэри дириҥник үөрэтэр кылаастар ситимнэрэ», «Ыччат уонна политическай реформа», «Эдэр дьиэ кэргэн», оскуолалар, балыыһалар, культурнай, спортивнай объектар, оҕо садтарын тутуу былааннара» о.д.а.
Коммунист, патриот Ким Нестеров Быыбар иннинээҕи программатын хас биирдии тускула эмиэ дириҥ ис хоһоонноох, кэскиллээх, ырааҕы өтө көрөр. Ким Георгиевич программата олоххо киириитин ситиһэр үлэни күүскэ ыытыа диэн Саха сирин коммунистара уонна патриоттара бигэ эрэллээхтэрин үчүгэйдик билэбин. Улууска оскуолалар, оҕо садтара, спортивнай уонна культурнай объектара тутуллуохтара.
Мин, боростуой үлэһит киһи, депутаттыы сылдьан көрөрбүнэн, билиҥҥи ас-таҥас тиийбэт, харчы кырыымчык ыарахан кэмигэр улуус баһылыгынан Ким Нестеров курдук дьон-сэргэ кыһалҕаларын ис сүрэҕиттэн өйдүүр, билэр, бэйэтигэр чугастык ылынар, кылаабынайа — хотор-дьайар дьоҕураах күүстээх салайааччы талыллыахтаах.
Филипп Охлопков 2008 сыллаахха быыбардааччыларга туһаайан эппитэ: «Күндү быыбардааччылар! Коммунистар былааска эйэлэспэт оппозиция буолаллар. Советскай былаас 70 сыллаах историята туоһулуурунан, коммунистар мэлдьи норуот интэриэһин туохтааҕар да үрдүктүк туталлара. Онон коммунистар программаларын иһин куоластааҥ!»
Бу кэннэки 30 сыл устата кистии-саба уора, талыы сылдьар единоростар былаастара хаарыаннаах дойдубутун, республикабытын уонна оройуоммутун эһэр турукка киллэрбиттэрин бары көрө-билэ сылдьаҕыт. Саатар быйылгы быыбарга көрөн туран сыыстарымаҥ! Түксү! Сөп буолуо! Билиҥҥҥҥи бэйэтин эрэ көрүнэр былаас чиэһинэйэ суох ыытар кирдээх политикатын итэҕэйимэҥ, эрэнэн бүтүҥ. Икки единоросс бэйэ бэйэлэрин утары хайдахтаах курдук дьону сылатар кирдээх быыбар хампаанньатын ыыппыттарын көрө-билэ сылдьаҕыт. Итинтэн да көстөр единоростар ис дьиҥ сирэйдэрэ-харахтара, өйдөрө-санаалара.
Убаастабыллаах быыбардааччылар! Итинник дьон эһиги кыһалҕаҕытын чугастык ылынан, аһыныахтара, эһиги тускутугар кыһаллыахтара дуо?! Суох!
Ким Нестеровка куоластаатаххытына, сыыстарыаххыт суоҕа!
Елизавета МАРКОВА,
Коммунистическай партия бэтэрээнэ,
Хаҥалас улууһун «Покровскай куорат»
муниципальнай тэриллии депутата,
Покровска куорат бочуоттаах гражданина,
мастер спорта международного класса по армрестлингу,
почетный член общества инвалидов России.