Ааттарын араастаан уларытар партиялар — сымыйалар. “Биһиги аныгылыы санаалаахпыт”, — диэн боростуой норуоту бутуйа сатыыллар.

Мин октябренок, пионер, комсомол оскуолаларын ааспытым, РФКП (КПРФ) чилиэнэбин. Өлүөхпэр диэри коммуниһынан олорор санаалаахпын. Кырдьыахпар диэри арааҥы көрдүм. Советскай былаастан ордук туох да суох диэн түмүккэ кэллим.

Билигин араастаан арбанар партиялар син биир норуот туґугар кыһаллыахтара суоҕа. Норуот 30 сыл устата албыннатан кэллэ. Онон хайдах олороргутун көрүнүҥ уонна халбаҥнаабат быһаарыыны ылыныҥ.

Мин Советскай былааска махтанарым улахан, ол аата коммунистарга. Кинилэр норуот интэриэґин өрө тутан, дойдуну салайан олорбуттара. Ити “Биир ньыгыл Россия” — эмиэ Советскай былаас оҕолоро. Кинилэр байар минньигэһин билэннэр, 180 кыраадыс түҥнэри эргийэн тураллар. Таҥнарыахсыттар өссө да байан, боростуой дьону хамначчыт оҥостоору үлэһиттэри албынныыр аакка түһэн эрэллэр.

Эдэрдэр да, кырдьаҕастар да толкуйданар кэмнэрэ кэллэ. Мин ордук хоһу тугу да эппэппин. Олохпут көрдөрөр куһаҕан хартыынатыттан — хаарыаннаах улуу дойдубутун, дьоммутун-сэргэбитин хайдахтаах курдук айгыраппыттарыттан — кэлэйэн суруйабын.

Екатерина САЛАШИНА,

ССРС кинематографиятын туйгуна.

«Коммунист» хаһыат,

2023 сыл от ыйын 15 күнэ.