ИккиЬэ — хас быыбар аайы коммунист партия бары өртүнэн үчүгэйдик чочуллубут программалаах, кини ол программа олоххо киириитин хааччыйар санаалаах быыбарга таҕыста.
Үсүһүнэн — кини соҕотох буолбатах, кинини коммунист партия чулуу дьонуттан талыллыбыт улахан хамаанда өйүүр. Кинилэр истэригэр олох бары хайысхатыгар үлэлиир улахан специалистар — промышленниктар, аграрийдар, баан үлэһиттэрэ, культура уонна наука деятеллэрэ бааллар. Итинник компетентнэй дьон хамаандалара былааска кэллэҕинэ дойдуну сайдар суолга киллэриэ этилэр.
Төрдүһүнэн — кини улахан оппыттаах хаһаайыстыбаннай салайааччы, Союз саҕана кини Сибиир биир бастыҥ совхоһун директэринэн өр үлэлээбитэ, улуу дойдубутун ыспыттарын кэннэ биир мандаттаах уокурукка мэлдьи бастаан Госдумаҕа норуот интэриэһин халбаҥнаабакка көмүскээн кэллэ. Кини дьылҕата Белоруссия президенэ Александр Лукашенкоҕа майгынныыр. Оттон Белорусь дойдута ситиһиилэрин, дьонун олоҕун таһыма үрдүгүн, бэрэдээдэк бөҕөтүн, сокуонунан олороллорун киһи барыта ымсыырар.
Түмүкпэр буолаары турар быыбарга түмсүүлээхтик кыттан олох көнөрүн туһугар, ол аата Николай Харитоновка куоластыаҕыҥ!
Роман ДЕСЯТКИН,
биологическай наука доктора,
РФКП Саха сиринээҕи комитетын чилиэнэ,
Дьокуускай куорат.
"Коммунист" хаһыат, 2024 сыл кулун тутар 5 күнэ.