Дьадайыы, үлэтэ суох элбии турар. Сүөһү аҕыйаан, бэйэбит оҥорон таһаарар эппит, арыыбыт, үүппүт сүтэн эрэр, сыаната да ыарахан.
Омук бороһуоктарыттан оҥоґуллубут ас-үөл дэлэйдэ. Маҕаһыыннарга хаачыстыбата суох бородуукталар кыстанан сыталлар. Υксүн атыыланар болдьохторо ааһан хаалбыт буолаллар. Онуоха тустаах хонтуруол суох. Урбаанньыттар көҥүллэринэн сыананы күн-түүн үрдэтэ тураллар.
Поликлиника быраастарыгар көрдөрөргө — ойоҕос тостор уочарата. Өр кэмҥэ күүтэн-манаһан баран бырааска киирэҕин. Кырдьаҕастары көрө-истэ, эмтии да сорумматтар. Балыыһаларга мэлдьи миэстэ суох аатырар. Оттон киирдэххэ, миэстэ бөҕө баар буолар.
Маннык олоҕу Россия президенин дуоһунаґыгар Компартияттан хандьыдаатынан турбут Николай Харитонов уонна кини хамаандата уларытар кыахтаах. Кини, муударай салайааччы, иннибит диэки барарга, сайдарга, кризистэн тахсарга төһүү күүс буолуо.
Харитонов быыбардааччылары кытта көрсүһүүлэригэр: “Кытай курдук социализм суолун тутуһан иннибит диэки барыахпыт”, — диир.
Федора АММОСОВА,
“Сэрии оҕолоро”
Саха сиринээҕи тэрилтэтин бырабылыанньатын
солбуйаачы бэрэссэдээтэлэ.
«Коммунист» хаһыат,
2024 сыл кулун тутар 5 күнэ.