Эҕэрдэ тылы РФКП Ньурбатааҕы райкомун бастакы секретара Татьяна Кардашевская эттэ уонна оройуоннааҕы комитет олоҕор актыыбынайдык кыттар коммунистарга бочуотунай грамоталары туттартаата. Мантан салгыы Татьяна Георгиевна мустубут дьону райком инники соруктарын кытта билиһиннэрдэ. Чуолаан, усунуоһу хомуйууну, бэчээккэ суруттарыыны, партийнай дьиссипилиинэни, партия кэккэтин хаҥатыыны күүһүрдэргэ ыҥырда. Сайыҥҥы кэмҥэ тыаҕа тахсан, маҥнайгы сүһүөх тэрилтэлэринэн сылдьан, партийнай мунньахтары ыытарга диэн быһаарыныы ылынныбыт.

Маардааҕы маҥнайгы сүһүөх тэрилтэ секретара Ирина Васильева тэрээһининэн, бэртээхэй эҕэрдэ концерды дуоһуйа көрдүбүт. Эмиэ Ирина Ивановна көҕүлээһининэн, күрэхтэһэн, оһуохайдаан, ыллаан-туойан, астына сэһэргэһэн, эдэр сааспытын санаан, үөрэн-көтөн тарҕастыбыт.

Валерий СЕРГИН,

РФКП Ньурбатааҕы райкомун

бюротун чилиэнэ.