Бу бырагыраамаҕа биһиги тугу да көтүппэтибит! Кими да умнубатыбыт! Тоҕо диэтэххэ, онно саамай сүрүнэ — боростуой үлэһит киһиэхэ кыһамньы.
Сүрэҕэлдьээмэҥ, күндү доҕоттор, КПРФ бу дьоһун суолталаах докумуонун болҕомтолоохтук ааҕыҥ. Бу “Правда” уонна “Советская Россия” хаһыат страницаларыгар, биһиги сайтпытыгар уонна да атын источниктарга бааллар.
Бырагыраамаҕа эһиги кыһалҕаҕыт уонна эрэлгит барыта учуоттанна уонна көһүннэ. Үөрэхххэ тиксии уонна хаачыстыбалаах мэдиссиинэ. Биэнсийэ үрдээһинэ уонна биэнсийэҕэ тахсар сааһы аччатыы. Биһиги сирбит, төрөөбүт дэриэбинэбит уонна нуучча ойуурун дьылҕата. Сир баайа булгуччулаахтык үлэһит норуокка төннүүтэ. Собуоттары уонна баабырыкалары тутуу, ол эбэтэр үлэ миэстэтин баар буолуута. Бастакы кылаастаах наука сайдыыта уонна Арассыыйа ураты култууратын чэчирии сайдыытыгар көмөлөһүү.
Уонна саамай кылаабынайа — элбэх нациялаах биһиги норуоппут дьылҕата. Кини аччааһына. Кини иэдээнэ уонна толук биэриитэ. Биһиги бырагыраамабытыгар нуучча ис кыаҕа суох Державабыт бигэ тирэхтэниэ суоҕа — нацистар кутуруктарыгар олорсубут Украина кыайан турууласпатаҕын курдук.
Бүгүн биһиги НАТО фашизмын уонна бандеровщинаны кыайыахтаахпыт. Ол эрээри билигин баар социальнай систиэмэ чэрчитинэн кинилэри кыайар кыахпыт суох.
Арассыыйаҕа социализм наада! Ыксаллаах быһыыга-майгыга Лениҥҥэ Кыһыл аармыйаны тэрийэр уонна Антантаны үрэйэр кыаҕы биэрбит социализмы.
Ол эрээри кырдьыктаах буолууга тирэҕирбит түмсүүлээх уонна үрдүк үөрэхтээх эрэ уопсастыба кыайар кыахтаах — бу аксиома! Биһиэхэ Аҕа дойду үгүс үйэлэрдээх устуоруйата барыта күндү. Биһиги кини култуурунай уонна дьоруойдуу кыайыыларыттан хаһан даҕаны аккаастамматахпыт уонна хаһан да аккаастаныахпыт суоҕа. Ол эрээри биһиги державабыт чыпчаалынан, биллэн турар, Сэбиэскэй цивилизация буолбута.
Мин аҕам Крым сиригэр атаҕа суох хаалбыт фронтовик, миэхэ муударай кэриэһин хаалларбыта: “Өйдөө, уолчааныам, — диэбитэ кини, — Сэбиэскэй былаастан ордук үчүгэй уонна сиэрдээх суох!”
Онон кыайыылаах аҕаларбыт ааттарын түһэн биэриэхпит дуо?!
Күндү уонна ытыктабыллаах биир дойдулаахтарым! Эдэр доҕотторум уонна табаарыстар! Өскөтүн номоххо киирбит Васнецов бухатыыра аптаах таас таһыгар турбутун курдук, суол арахсыытыгар турар буоллаххытына, онно суруллубут тыллары өйдөөн кэлиҥ: “Көнөтүк бардаххына, тыыннаах хаалыаҥ суоҕа, туора да киһиэхэ, ааһан иһээччигэ, көтөн да иһээччигэ суол суох”.
Онон, доҕоттор, хаҥас диэки! Хаҥас диэки эрэ — кырдьыкка, сиэрдээх буолууга, үтүө санааҕа уонна эйэлэһиигэ!
Өйдөөҥ, бүгүн икки суол баар: социализм — уонна оччоҕо Кыайыы, тутулуга суох буолуу уонна дьиҥнээх суверенитет. Эбэтэр олигархическай иэдээн, эгоизм уонна инники олох көмүскэлэ суох буолуута. Өссө биири өйдөөҥ: олигархтар Ийэ дойдулара суох. Кинилэр ону эмиэ эйигиттэн былдьыахтара!
Мин эһигинниин олус аһаҕастык кэпсэтэбин — биһиэхэ эһиги өйөбүлгүт, эһиги итэҕэлгит наада! Ийэ дойдубутун бары бииргэ көмүскүөҕүҥ!
Ытыктабылы уонна махталы кытта
Геннадий ЗЮГАНОВ,
КПРФ КК Бэрэссэдээтэлэ, Судаарыстыбаннай Дуумаҕа КПРФ фракциятын Бэрэссэдээтэлэ.
SakhaKPRF.ru