Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

Россия Президеныгэр кандидат П.Н.Грудинин сайабылыанньата

 

Нолуок уонна хонтуруоллуур тэрилтэлэр омсолоох үлэлэрин түмүгэр сайдыыны мэктиэлиир кыра бизнес эйгэтэ көйгөтүйэр уонна аҕыйыыр турукка киирдэ. Соторутааҕыта кыра тэрилтэлэр үлэһиттэрин ахсаана 22 мөлүйүөҥҥэ тиийэр этэ, оттон билигин ити көрдөрүү 16 мөлүйүөҥҥэ диэри түстэ. Россияҕа кыра бизнеһинэн дьарыктанааччы дьон ахсаана үлэһит 15 бырыһыанын ылар, оттон Китайга — 80 бырыһыан.

Иһитиннэрэр-биллэрэр средстволар Россия Украинаны куоһаран сиэмэ бурдугу тас дойдуга таһаарыыга аан дойдуга иккис миэстэ буолбутун туһунан сөҕө-махтайа эппиттэрэ-тыыммыттара, былдьаһа-былдьаһа бэчээттээбиттэрэ. Оччолоохтук үөрэргэ түгэн суохха дылы. Өссө 100 сыл анараа өттүгэр Менделеев Россияҕа үрдүк технологиялаах промышленноһы сайыннарыы наадатын этэн туран, тас дойдуларга сырьены таһаарыы көдьүүҺэ кыратын бэлиэтээбитэ. Оттон биһиги баччааҥҥа диэри тас дойдуларга сырьены ыыта олоробут. ЭҺиги көрүҥ! Биһиги сиэмэбититтэн Турция собуоттара бурдук оҥорон аан дойдуга атыылыыллар. Биһиги Россияҕа сырьеттан бородууксуйаны оҥорон таһаарыы барыыстаах буоларын ситиһиэхпитин наада.

Оттон билигин Россияттан тас дойдуларга бара сатыыр үрдүк квалификациялаах эдэр ыччат элбэх. Ол курдук, сыл аайы сайдыылаах тас дойдуларга 100-тэн тахса тыһыынча киһи барара биллэр. Итиннэ биир хомолтолооҕунан интеллектуальнай өттүнэн сайдыылаах дьон бараллара буолар. Оттон Россияҕа киирэн олохсуйа сатыыр дьонтон баара суоҕа 13 — 17 эрэ бырыһыаннара үрдүк үөрэхтээх буолааччылар.

Ити барыта өйдөнөр. Россия былааһа интеллектуальнай өртүнэн сайдыылаах дьону өйөөбөт, дойдубут сайдарын туһугар үлэлэтэр соругу туруоруммат. Дьэ, ол иһин талааннаах дьону интэриэҺиргэтии, бэйэ диэки тардыы аан дойдутааҕы рейтинигэр Россия 118-тан 107-с миэстэҕэ сылдьар.

Итинник балаһыанньаҕа олорон Россия билиҥҥи былааһа “цифровой экономика” туһунан дойгохтуур. Ити туһунан “табыллыбатахтар” мустан кэпсэппиттэрэ, 2018 сыллааҕы Гайдар форумугар. 20 мөлүйүөнтэн тахса Россия киһитэ быстар дьадаҥытык олорор кэмигэр, хас үһүс үлэһит хамнаһа баара суоҕа 15 тыһыынча эрэ буоллаҕына, үрдүк технологиялары туһаныы туһунан киһи кэпсэтиэн да кыбыстар?!

БиҺиги хамаандабыт сыала-соруга Россияҕа олох-дьаҺах билиҥҥи балаһыанньатын тосту уларытыы, дьоннор манна төрөөбүттэринэн киэн туттууларын кинилэр өйдөрүгэр-санааларыгар иҥэрии, кыахтарын, талааннарын үлэ бары хайысхатыгар сөпкө туһанар тупсаҕай усулуобуйаны дойдуга тэрийии буолар.