Adult Search

Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

От ыйын 28 күнүгэр бука бары митиҥҥэ! Күндү Саха сирин олохтоохторо!

 

ОДьКХ өҥөлөрүн сыаната күн-түүн үрдүү турара, аска-таҥаска сыана бас-баттах барыыта — ити барыта «Платон» алдьатыылаах систиэмэтин биир кэлим ситимэ буолар. Ити барыта олигархтарга туһалыыр, кинилэр салгыы байаллар, оттон дьадаҥылар салгыы дьадайаллар.

КОМПАРТИЯ САХА СИРИНЭЭҔИ РЕСКОМА сааһырбыт дьону утары туһуламмыт пенсионнай «реформаны» сорунуулаахтык утарар. Күн бүгүҥҥэ диэри боростуой норуоту, кини алдьарытар эрэ сыаллаах араас өрүттээх сокуоннары ыла олорор «Биир ньыгыл Россия» депутаттарын уонна кинилэр хос моонньохторун сааттаах дуоскаҕа ыйыыр кэм кэллэ. Боростуой быыбардааччы итини барытын өйдөөн, сыаналаан сүүлүктэр, түөкүттэр партияларын кандидаттарыгар куоластарын биэриэ суохтаахтар, кинилэр норуот кыһалҕаларын хаһан да өйдүөхтэрэ суоҕа.

Бүтүн Россияҕа ыытыллар бырачыастыыр акцияҕа кыттан КОМПАРТИЯ САХА СИРИНЭЭҔИ РЕСКОМА от ыйын 28 күнүгэр Ленин болуоссатыгар күнүс 13.00 чааска билиҥҥи былаас норуоту салгыы дьадатар сыаллаах үлэтин утарар МИИТИН ыытар. Онно бука бары олохтоохтору актыыбынайдык кыттаргытыгар ыҥырабыт, норуоту убаастаабат, кинини таҥнарар былааска сорунуулаахтык «СУОХ!» диэн эппиэттиэххэйиҥ!

Өй-санаа мөлүйүөнүнэн киһини түмэр. Итини «Өлбөт-сүппэт полк» да түмсүүтэ көрдөрдө. Пенсионнай геноциды утарар охсуһуу Знамятын тула мөлүйүөнүнэн дьон түмүстүннэр!

Бииргэ буоллахпытына — кыайыахпыт!

Ыйыталаһар телефоннар: 8924-591-00-92; 36-61-51.

КОМПАРТИЯ САХА СИРИНЭЭҔИ РЕСКОМА.

2018 сыл.