Adult Search

Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

СТАЛИН УОННА ТӨҤҮЛҮ

       Дойдуну 32 сыл эҥкилэ суох салайан олорбут Сталиҥҥа махтанан уонна Улуу Кыайыы 75 сылын көрсө, Төҥүлү коммунистара сүбэлэһэн,былааннаан, кыттыһан,олохтоохтортон харчы хомуйан уонна спонсордары булаттаан, Нам улууһугар олорор Павлов Ильям Ивановичка бюст куттаран оҥотторбуттар.Күһүн алтынньы ый 29 чыыһылатыгар кулууп таһыгар болуоссакка памятник аһыллыытын үөрүүлээх түгэнэ буолбут."2018 сыллаахха 8 киһи партияҕа эбии киирбитэ"-, диир,тус хоту дойдуттан төрүттээх,Мэҥэни иккис дойду оҥостубут,өр сылларга партийнай тэрилтэни салайан кэлбит Василий Иннокентьевич астыммытын биллэрэр.
      Санаан кэллим,аҕам Прокопьев Пётр Федотович ахтарынан, Тааттаҕа Сталин 70 сааһын туолбут үбүлүөйүн олус үөрэн-көтөн, өрө көтөҕүллэн туран,оскуола көрүдүөрүгэр толору тардыллыбыт астаах остуолга олорон аһаабыттара үһү.Оччотооҕу томороон тымныыны тыыран: Соҕуй, Уодай, Төрүт курдук учаастактартан сыарҕалаах атынан дойду баһылыгын бырааһынньыгар кэлитэлээбиттэр.Кэпсииллэринэн буоллаҕына, Грузия Гори куоратыгар төрөөбүт Иосиф Виссарионович үлэтигэр наһаа бэриниилээх,кытаанах ирдэбиллээх,ураты дьаһаллаах, мындыр өйдөөх киһинэн ахталлар.Кини дакылаатын ис хоһоонун ким да көмөтө суох,бэйэтэ суруйара үһү, үлэ чааһыгар хааччахтаммакка түүннэри үлэлиирэ дииллэр.
       Ити курдук,ахсынньы 21 күнүгэр субуотаҕа анаан-минээн,түргэн сырыылаах көлөнөн бассабыык партия сирдьитэ,улуу салайааччы Сталин памятнигын көрөн биһирээн кэллибит.

        АННА  КОЗЛОВА