Торжестеннай чааhыгар тылы эттилэр Үөhээ Бүлүү ветераннарын советын председателэ уонна баhылыктарын солбуйааччыта, Ньурбабыт баhылыга А.М. Иннокентьев, оройуон депутаттарын советын председателэ Сергей Иванович Евсеев уонна оройуон бары коммунистарын, тыыл-үлэ ветераннарын, ааспыт уйэ 40-с, 50-с, 60-с, 70-сылларын комсомолецтарын, сэрии тулаайахтарын ааттарыттан КПРФ чилиэнэ Изамира Иннокентьевна. Левина.
Изамира Иннокентьевна мустубут дьону Ньурба коммунистара муус устар ыйга КПРФ республиканскай комитетын бастакы секретарыгар Виктор Николаевич Губаревка ыыппыт ыӊырыы суруктарын ис хоhоонун сырдатта.
Чуолаан Улуу Кыайыы 75 сыллаах юбилейын көрсө бастакытынан үөрэх салаатыгар А5а дойду сэриитин үөрэтиигэ, быhаччы история предметигэр билиӊӊи 7 чаас оннугар сыалай разделы киллэрэри туруорсарга. Кэнчээри үүнэр ыччат герой пионердар Валя Котик, Леня Голиков, партизанка Зоя Космодемъянская, Лиза Чайкина, Александр Матросов, эдэр гвардеецтар Ульяна Громова, Люба Шевцова, Сергей Тюленин, Олег Кошевой уонна да атын геройдар ааттарын билиэхтээхтэр, Ийэ дойдуну таптыырга уона көмүскүүргэ холобур туттуохтаахтар. Дойдутун историятын үөрэппэт уонна билбэт норуот норуот быhыытынан сүтэр.
Иккиhинэн, аан дойдуну атыйахтыы ытыйбыт ынырыктаах сэриигэ сэбиэскэй норуот Иосиф Виссарионович Сталин быhаччы салалтатынан кыайыыны ситиспитэ, Аҕа дойду сэриитин кэнниттэн урусхалламмыт куораттары, дэриэбинэлэри кылгас кэм иhигэр чөлүгэр туhэттэрэн Сэбиэскэй Сойууhу сверхдержаваҕа кубулуппута. Онон Сталин сырдык аатын тилиннэрэргэ.
Үсүhүнэн, 1925 сылтан 1961 сылга дылы Сталинград, онтон 1961 сылтан Волгограка кубулуйбут куоракка урукку аатын төннөрөргө.
Аҕыс ый кэриӊэ салҕанан барбыт Сталинградтааҕы кыргыhыыга Кыhыл Армия кыайбыта. Мантан саҕаламмыта фашистскай Германия хотторуута. Ол туоhутунан буолар бу Кыайыы былааҕа Онон Сталинград куорат Аҕа дойду сэриитигэр Сэбиэскэй Сойуус бырааттыы норуотун хорсун быьыытын туоhута буолан кэлэр көлүөнэлэргэ алдьархайдаах сэрии уонна Сэбиэскэй Сойуус иккис аан дойду сэриитигэр улахан оруоллааҕын көрдөрөр өйдөбүнньүк буоуохтаах.
Улуу Кыайыыны кэрэhэлиир Кыайыы былааҕа салҕыы республикабыт оройуоннарын, улуустарын кэрийэн аны кэлэр сыл сааhыгар Ыам ыйын 9 күнүгэр, Улуу Кыайыы 75 сааhын туолар күнүгэр, киин куораппытын булуо.
Левина И.И., Антоновкатаа5ы бастакы сүьүөх партийнай тэрилтэ сэкэрэтээрэ