Тыа хаһаайыстыбатын, сир сыһыаннаһыыларын, айылҕаны туһаныы уонна тулалыыр эйгэни харыстааһын эйгэтигэр 40 нормативнай- правовой акта, ол иһигэр 10 сокуон ылылынна.
Социальнай политика, наука, культура, үөрэх, доруобуйа харыстабылын эйгэтигэр государственнай мунньах (Ил Түмэн) 107 нормативнай- правовой акта ылылынна, олортон 39 сокуон ылылынна.
СР государственнай Мунньаҕын (Ил Түмэн) Председателин солбуйааччы В. Н. Губарев «Россия Хотугу, Сибиир уонна Дальнай Восток төрүт олохтоох аҕыйах ахсааннаах норуоттарын государственнай өйөбүлүн туһунан " федеральнай сокуон барылын ырытан оҥорууга оробуочай бөлөх чилиэнэ .
РФКП Саха Республикатын государственнай Мунньаҕын (Ил Түмэн) фракциятынан гражданнары өйүүр уонна социальнай көмүскүүр сокуон барыла бэлэмнэнэр:
1) «2014 сыл ахсынньы 14 күнүнээҕи 1401- с № 359- с №- дээх "Саха Республикатыгар үөрэх туһунан" сокуоҥҥа уларытыылары киллэрии туһунан. Сыала- соруга: начальнай кылаас хас биирдии үөрэнээччитэ ыстакаан үүтүн тус пакетынан хааччыйыы;
2) « СР үлэ ветераннарын туһунан «СР сокуонун 1 ыстатыйатыгар уларытыылары киллэрии уонна СР сокуонун 4 ыстатыйатыгар "СР социальнай өйөбүлүн туһунан " ыстатыйатыгар уларытыылары киллэрии туһунан"
КПРФ биир сүрүн соругунан дьадайыыны утары охсуһуу буолар. Республикаҕа киһи нэһиилэ тиийинэн олорор алын кээмэйэ 160 тыһыынчаттан тахса, олор ортолоругар 40 тыһыынчаттан тахса оҕо олорор. Бу хайысхаҕа тыа сирин үлэһиттэригэр, бюджет эйгэтин үлэһиттэригэр, техническэй персональнай өҥөнү оҥорооччуларга государственнай өйөбүл, ону
сэргэ предпринимателлэргэ государственнай өйөбүл, социальнай контракт биллэрдик улаатарын туһунан этиилэр киллэрилиннилэр.
Саха Республикатын Ил Дарханыгар Николаев А.С. уонна правительство бэрэсэдээтэлигэр Тарасенко А.В. партийнай фракция көсүһүүтүгэр нэһилиэнньэ наадыйыытыгар
уонна кыһалҕатыгар туһаайан сөптөөх боппуруоһу туруорсар. Ол курдук Чурапчы агро-техническэй колледж студеннар 100 миэстэлээх олорор уопсайдарын 2019 сылтан туруорсан кэллэ. 2022 сыл ахсынньы ыйга согласительнай комиссияны ааһан 2024 сылга тутуута саҕаланыахтаах. Чурапчыга таас балыыһа иикис уочарата тутуллуутун, пандемия кэмигэр суол сабыллыытын баттаһа Илин Эҥэр улуустарга ыарыһахтары бириэмэтигэр кислородынан хааччыйыыны көрөн сөптөөхтүк туруорсан, салгыы үлэлэһэн кэллэ.
Семен Иванович төһө да үлэ үөһүгэр сырыттар улуус, нэһилиэк общественнай олоҕор активнайдык кыттыһар. Чурапчы улууһугар Кыайыы парадын бырайыагын төрүттээччи, байыаннай парад командующайа. Ыам ыйын 9 күнүгэр уоттаах сэрии толоонугар хорсуннук сэриилэспит буойуттарга, кыайыыны уһансыбыт тыыл ветераннарыгар анаан, парад 16 сыл устата үрдүк таһымҥа ыытыллан норуот биһирэбилин ылбыта мөккүөрэ суох.
Ыччаты патриотическай тыынҥа иитиигэ кэккэ сылларга тахсыылаахтык үлэлээн кэллэ. Улууска ыытыллар бырайыак “ Армия- уостубат,өлбөөрбөт өйдөбүл» байыаннай-патриотическай күрэхтэһии кини кыттыыта суох ааспат. Бу күн быыстапка, солдатскай хааһы,наҕараадалааһын тэриллэр. Сылын аайы ыытыллар “ Снежный барс” күрэхтэһии кылаабынай судьуйата, Юнармия командирынан үлэттэн уурайыар диэри таһаарыылаахтык үлэлээтэ. Чурапчы улууһун бойобуой дьайыылар бэтэрээннэрин түмсүүтүн общественнай сэбиэтин солбуллубат сүбэһитэ. Олохторун толук уурбут уолаттарга анаан от ыйын 1 күнүгэр «Кэриэстэбил күн» ыытыллар.
2018 сылга “Ытык иэс, хорсун быһыы” өйдөбүнньүк памятник туруоруллубута уонна Ноговицын Романҥа олорор түөлбэтигэр сквер, Давыдов Иванҥа, Романов Андрианҥа, Максимов Тимофейга олорбут дьиэлэригэр мемориальнай таас ыйыырга кыттыыны ылан чугас аймахтара, бииргэ төрөөбүттэрэ улаханнык махтаналлар.
Семен Иванович киһи быһыытынан үтүө санаалаах, дьон кыһалҕатын сүрэҕэр ылынан улууска ыытыллар Аһымал акцияҕа туора турбакка кыттыһар уонна тэрийэр. Чурапчы нэһилиэгэр «Үтүө санаа долбуура» акцияны тэрийэн,уопсайа 60 устуука ас набора оҥоһуллан элбэх оҕолоох, кыаммат араҥа дьиэ-кэргэнигэр тириэрдиллэн дьон махталын ылбыта. Икки сыл субуруччу аҕам саастаах ветераннарга улуус “ Саҥа олох», Россия хаһыаттарыгар суруттарбыта. Бильярд кулууба аһыллыытыгар, Хайахсыт оскуолата тутуллуутугар, успуорт уһулуччулаах тэрийээччитэ Афанасий Кирикович Софронов аатынан спорт зал тутуллуутугар харчынан көмө оҥоруута туохха да тэҥнэммэт холобур.
Балаҕан ыйыгар ыытыллыбыт “Помоги пойти учиться” республикатааҕы акцияҕа коммунистарга ыҥырыы таһааран уопсайа 14 500 суумма хомуллан, үөрэх
тээбирииннэрин ылан элбэх оҕолоох дьиэ-кэргэнҥэ тириэрдиллэн Чурапчытааҕы реаблитационнай киин директора Саввина М.Н. махталын биллэрбитэ.
Партия рескомун 15 партийнай конференциятыгар Семен Иванович туруорсан уон улуус дьадаҥылар конференцияларыгар В.И.Ленин ыыппыт телеграммата 100 сылын туоларынан
сибээстээн, бу датаны Чурапчыга бэлиэтиир гына этии киллэрбитэ. Бу этиини өйөөн муус устарга Чурапчыга общественность кыттыылаах научнай- практическай конфренция ыытыыллыбыта.
Бу тэрээһинҥэ Реском секретара В.Н. Губаревы кытары учуонайдар тахсан киэҥ программалаах мероприятия үрдүк таһымнаахтык барбыта. Мероприятия күн муус устар 24 күнүгэр Москва куоракка партия КК уочараттаах ХVIII съеһэ бара турар кэмигэр эҕэрдэ телеграмма ыыппыппытын , Съезд үрдүк трибунатыттан киин комитет идеологияҕа сэкэритээрэ И.И. Мельников ааҕан иһитиннэрбитин делегаттар дохсун ытыс таһынан көрсүбүттэрэ. Итинэн биһиги көрдөрөн турабыт история умнуллубатын уонна салҕанарын.
Ити курдук, Семен Иванович райком бастакы секретара уонна Ил Түмэн депутатын быһыытынан Чурапчы улууһугар элбэх үлэни ыытар. Хаһан да суураллыбат суолун-ииһин хаалларар. Билигин Чурапчы улууһун райкома республикаҕа биир тарбахха баттанар бастыҥ үлэлээх партийнай тэрилтэ буолла. Бу барыта биллэн туран улахан дьулуурдаах, арахсыбат сыралаах үлэттэн тахсар. Кини итиннэ толору үөрэҕэ, чочуллуута, буһууну- хатыыны ааспыта туоһулуур. Хайа да ыархаттартан чаҕыйбакка төрөөбүт Чурапчытын, республикатын сайдыытыгар үлэлээн бэйэтин кылаатын киллэрсэр.
Дойдуга Педагог уонна наставник, республикаҕа Үлэ сыла, улууска Ытыктабыл сыла биллэриллибитинэн түмсүүлээхтик үлэлиэххэ, айыахха, тутуохха!
Саха Республикатын Судаарыстыбаннай мунньаҕын
(Ил Тумэн), норуодунай депутатын общественнай көмөлөһөөччүтэ
Никитина М.В.